كفاية نازلين الشارع <طلعوا لسه عايشين>...غالبا السيدة زينب.... يوم 18 اللى هو يوم الخميس عشان ذكرى 18 و 19 يناير فى السبعينات بخصوص غلاء الأسعار.......بس طبيعى.... هو يوم باين من أوله مش يوم الالكترونكس.....!!!ا
--------------------------------------------
سفاح المعادى....ممكن يكون موجود...هى حكاية سفاح دى واسعة...و طبعا الشعب المصرى عنده قدرة عجيبة على التهويل و سرد حكايات غريبة من النوع بتاع سمعت و حد حكالى...لغاية ما يجيبوا للناس هلع....و بم أن الناس معندهاش ثقة فى الجهات الأمنية فبالتاى عندهم القابلية أنهم يصدقوا أى حاجة ....!!!ا
المضحك بأه أن الناس يقولوا مواصافاته بيلبس جاكت جينز.......زى اللى بيعلم المكان اللى راكن فيه بأن العربية تحت السحابة.....!!!!ا
على العموم محدش يقلق الجهات الأمنية الرشيدة حتوصللوا قريب...و حيطلع مختل أو أخوان ....!!!ا
--------------------------------------------
كوندى جاية المنطقة...ربنا يخليها للبشرية...مش عارفين من غيرها العالم كان حيجراله ايه.....!!!ا
--------------------------------------------
لسة يوم السبت بنتكلم على راس السنة الهجرية و بيقولوا حيطلع السبت ... قلت مش مشكلة أصلا كان فيه أجازات كتير الشهر ده الناس مشتغلوش ...بابا قال أيوه صح... كدة الناس مش حتشتغل... ده تهريج....!!!
يوم الأحد الصبح ماما بتقول ...مكتوب أن الأجازة الرسمية يوم الأحد....!!!!!!!
يللا الحكومة بتعمل أى حاجة و تقول خللى الشعب يهيص....!!!
--------------------------------------------
السلام 98 ...مر سنة تقريبا على الحادثة....كل الناس اتكلموا فى الأول...كلام كلام كلم....دلوقتى ...شششششش...مفيش أى سيرة.....عادى هى دى مصر...!!!
--------------------------------------------
كان فى أغنية غريبة أختى معرفش جابتها من لينك كدة...أسمها <بطة مأنتكة>.....المفروض أنها من أيام الطفولة...أنا عارفة كويس أنى سمعت اللحن ده...بس الكلمات غريبة ...حاسة أنى عمرى ما سمعتها ولا هى...مقدرناش نوصل هى الأغنية دى أصلها كدة و طول عمرنا بنسمعها كدة و احنا مش واخدين بالنا ....و لا ده أثر الزمن عليها......!!!
--------------------------------------------
النوم...بنام كتير جدا.....مش قادرة....نفسى أشوف علاج ؟!!!ا
--------------------------------------------
بقالى كم سنة عارفاها...بس خلاص الفترة الأخيرة حيجيلى كساح منها......!!!ا
مش قاااااادرة....!!!
--------------------------------------------
تحية كبيرة جدا لأختى شريكتى فى فقرات التهييس الليلية ....!!!!ا
:P
--------------------------------------------
ماما ...بابا...الواحد بيمر عليه أيام كتير و بينسى يقول ....شكرا على كل حاجة...و أسفة على أى حاجة....!!!
كفاية أنكوا استحملتونى السنين دى كلها.......و لسة ...ربنا يقدركوا !!!ا
:D:D
--------------------------------------------
لسة حنفية الكتابة مفتوحة عندى....أنا بكتب لوحدى كدة...مش بلوج بس...حتى و أنا بذاكر نص الورق شخبطة و كلام مالوش علاقة ببعضه...احتمال تكون حالة نفسية.....!!!ا
--------------------------------------------
على فكرة أنا مش سيئة أوى ولا شريرة .....!!!!ا
3 comments:
يا حببتى يا بنتى
بس متخافيش اكتر من كده وربك بيزيع
ابقى فكرينى اديكى عنوان الشيخ اسيتبحس ده مفعوله جبار كلها يا حببتى زار ولا اتنين وهتبقى زى الفل
lol ya marmora..!!
enty shayfany lasa3t lel daraga dy ^o)....!!!
zar !
haha2 7elwa di !
Post a Comment