سنة أخرى مرت علية على كوكب الأرض :).....بس فى سنين بتعدى على الانسان و بيحس ان كان فيها نقط تحول أو دروس اتعلمها ...أكيد كل السنين بيكون فيها أشياء بارزة...مفيش سنة بتعدى و خلاص ...و مفيش سنة مميزة فى حد ذاتها...بس ممكن تكون فى سنة الواحد يحس انها مميزة... عشان فعلا مختلفة...أو عشان هو وقف قدامها و فكر بتمعن فى الأحداث اللى مرت بيه خلالها...!!!
بالنسبة لى..حسيت ان 2006 فعلا كانت مختلفة...ما كانتش مشرقة قوى...بالعكس كانت مظلمة فى كتير من الأحيان...بس يمكن ده اللى اداها قيمة مختلفة
وانا بودع 2006 فكرت استرجع بسرعة أهم الأحداث...يعنى أعمل زى حصاد العام...أفتكر التغييرات اللى مريت بيها على المستويات المختلفة ....سواء كانت كويسة أو قاسية...و ان كانت الأحداث المؤثرة على المستوى الانسانى هى اللى ليها النصيب الأكبر!!!
من الناحية الدراسية:
أصبح أدائى أسوأ فى الامتحانات.....تقديرى قل عن السنة اللى قبلها ...!!
حسيت بشكل أكبر بظلام التعليم فى بلدنا ...و ان الوضع هو هو من أول دخول المدرسة لغاية التخرج...ان ما كانش أسوأ....كله محصل بعضه...كله بطيخ...!!!
بس أقدر أقول أنى الحمد لله لا أركن للاحساس بالاحباط لدرجة كبيرة و ان كنت بعمل اللى علي لمجرد ارضاء ضميرى ...مش لأنى متحمسة أو ما شابه....!!ا
من الناحية النفسية:
لفترات طويلة كنت بتخنق من أبسط الحاجات....ممكن أجزم بكل ثقة أنى مريت بحالة اكتئاب فعلية....و أعتقد أن اثارها موجودة حتى الان..!!!
غالبا أصبح التفاؤل خارج مفرداتى فى معظم الأحوال......مش بسميه تشاؤم... بشوف أنه واقعية.....!!
سيطر على الإحباط فى أحيان كتيرة....و فقدت الحماس لحاجات كتير كنت بستمتع بيها....من الاخر الحياة أصبحت أكثر سوادا و ظلمة و حلكة....!!!!!!!!!
بقيت بكلم نفسى أكتر ....!!!
و من ناحية العقد النفسية الغريبة...لسة عندى عقدة طرف البنش :) ..... غير عقد تانية أعتقد أنها كلكعت زيادة …!!!
نواحى أخرى:
قريت كتب و قصص كنت عايزة اقراها من فترة ....و ده عادة بيكون فى الاجازة ...لأنى فى الدراسة- للأسف- بحس أن فى حاجات كتير بتتوقف فى حياتى.....حتى لو عندى وقت...مش بيكون عندى الحماس....!!
من ناحية تانية بقيت بتخنق من الجرايد و مبقتش بقراها زى الأول...بقت مستفزة بالنسبة لي بشكل كبير....يعنى الأهرام اللى كنت متعودة أتصفحه يوميا...بقت الأيام تمر و ما جيش ناحيته أصلا.....و يمكن ده بالتحديد فى التلت الأخير من السنة...!!
مع أنى بستخدم النت من 1998 و ركبت ال دى اس ال من أخر 2005 بس بقيت مدمنة أكتر مع مرور الوقت فى 2006..... ساعات بتبقى حاجة تخنق صراحة...!!!
عملت البلوج ده فى نهاية السنة
حالتى الصحية بقيت غير مستقرة....مرهقة معظم الوقت...بنام كأنى فى غيبوبة لفترات طويلة
من الناحية الانسانية:
و زى ما قلت ده أهم و أكتر حاجة كان فيها تأثير بارزعلى...سواء من تجارب مريت بيها شخصيا ...أو مواقف شفتها مع ناس حواليه...خلتنى ألاحظ حاجات.... و اتعلم دروس...واؤمن أكتر بحاجات يمكن كنت مقتنعة بيها بس لما شفتها بقت جواية أكتر...!!!
دى محاولة منى لسرد بعض المعانى دى...و يمكن حاستعين بمقولات عدت عليه و حسيت انها معبرة ....!!
اتعرفت على ناس كتير..... شفت شخصيات مختلفة... واتعاملت مع أنماط متنوعة من الناس...شخصيات محترمة أو عجيبة.. مثقفة أو سطحية.... عقلانية أو عصبية...واضحة أو غامضة....متعاونة أو مؤذية...طموحة أو بلا رؤية أو هدف....عادية أو غريبة الأطوار.....ليها وجه واحد أو متعددة الأوجه.... وغير كدة من أنواع الشخصيات اللى احتكيت بيها و أكيد دايما كنت بتعلم حاجة جديدة من كل شخصية .....حتى لو كنت على اختلاف معاها تماما...!!!
"We hate some persons because we do not know them; and will not know them because we hate them"
اتأكدت أن الناس كتير بتصدر أحكام على بعض لمجرد خلفيات موجودة فى أذهانهم ...و لأنهم ميعرفوش بعض كويس....و لقيت أن معظمنا ان ماكانش كلنا و قعنا على الأقل مرة فى الخطأ ده و حكمنا على بعض على أى أساس زى المظهر أو من موقف واحد...و ممكن نفضل لفترات طويلة واخدين موقف من شخصية أو حتى كارهينها كده و خلاص...!!!
اتعلمت أن الانسان المفروض يوازن بين حسن الظن فى الناس و الثقة فيهم و الحذر و الحيطة فى الكفة التانية....لأن افتراض حسن النية فى الأخرين مش دايما بيكون صح... و ساعات بيقود لمشاكل كتير!!!
مع أنى خدت على دماغى....بس لسة مش بقدر أعمل الموازنة دى...يعنى دايما برجح كفة حسن النية....محتاجة أدرب نفسى !!!
“coz life is like a journey for our soul,..we cry we laugh we run sometimes we FALL,…but through it all God never gives a burden so tough"
اتعلمت أن الحياة مش بتمشى على وتيرة واحدة....لازم فى وقت من الأوقات الانسان يقع و يفشل....بس أهم حاجة أنه يبقى عنده القدرة يتعلم و يقوم تانى...بس مش دايما الفعل بيبقى سهل زى الكلام!!!
.و أهم حاجة اتعلمتها أن الانسان مش بيتعلم ببلاش ...لازم يبقى فى تمن...!!!
"Life is so constructed that an event does not, cannot, will not, match the expectation"
اتعلمت أن مش كل حاجة بتمشى زى التوقعات...و ان حسابات الانسان حاجة و حسابات ربنا حاجة تانية خااااااااالص
أحيانا دقت الفشل لأسباب خارجة عن ارادتى ....يعنى كنت بعمل كل اللى عليه و فى الاخر النتيجة عكس التوقع تمااااما... ..ساعات كنت بفضل أفكر كتير و أسأل لفترات طويلة ليه؟!! و ازاى؟!! فين الغلط بالظبط؟!!!و كتير مكنتش بوصل لاجابة...غير انه يمكن كان لازم أمر بحاجة زى دى عشان أخد بالى من حاجة.أو أتعلم درس.....!!!!
“The best way to beat your enemy is to beat him at politeness.”
“over the years I’ve learnt 1 thing over & over,..there is just no substitute for the truth
اتعلمت أن فى أكتر المشاكل تعقيدا ...لازم الانسان يواجه بهدوء فى التفكير.... و أدب فى التعامل....و صدق فى الكلام....حتى و ان كان الظاهر أن كل ده حيخسره...بس الحقيقة أنه أسلم حل و ممكن بالعكس يكسب أكتر...على الاقل احترامه لنفسه ...و ارضاؤه لضميره.....!!!!
“A lie can run around the world b4 the truth can get its boots on”
اكتشفت حاجة غريبة....بس لقيت برده أنها مش غريبة بالنسبة للناس .....أنا اللى مستغرباها على أساس أنى من كوكب تانى ....وهى الكلام و الشائعات اللى الناس بنطلعها و تنشرها و تصدقها كأنها حقيقة...يعنى الناس بتتكلم عن أراءها الشخصية كأنها واقع...و مفيش فصل بين الرأى و المعلومة ....و العجيب ان الناس بتصدق و تنشر الكلام بسرعة البضوء كمان !!
اتعلمت أن الواحد المفروض يتحلى بشوية لامبالاة على حبة برود عشان دمه ميتحرقش فى الحياة
بس يمكن دى مش قادرة أظبتها برده... و بهتم ساعات زيادة عن اللزوم و دمى بيتحرق برده...!!!
“Holding on to anger is like grasping a hot coal with the intent of throwing it at someone else; you are the one who gets burned.”
شفت ازاى الغضب ممكن يعمى الانسان و يخرجه عن شعوره و يؤذيه قبل ما يؤذى غيره....!!
و يمكن من يومين كنت بفك اشتباك بين طفلين فى العيلة...فبقوله لازم تعرف تمسك نفسك لما حد يستفزك أو يغيظك...فقال انتى كبيرة تعرفى...أنا صغير معرفش....ساعتها قلت فى دماغى حتى الكبار مش كلهم بيعرفوا.....بالعكس ناس كتير بيستسلموا للاستفزاز...و ده من أكبر أسباب تضخيم المشاكل!!!
“Just remember, when you should grab something, grab it; when you should let go, let go.”
لقيت ان فى مواقف محتاجة قرارات حاسمة و سريعة و مرضية فى نفس الوقت...أحيانا صعب القرار تحت الظغط.....و ساعات الانسان يفضل يفكر فى القرار لفترة طويلة و هل كان صح ولا لأ...متأنى ولا متسرع....!!
و لقيت أن فى أحيان كتير متنفعش أنصاف الحلول ...يعنى يا اه يا لأ
Grab it or let go,…take it all or leave it all
اتعلمت ان الواحد يكون ايجابى بس مش مندفع...يعنى يفكر بجد قبل ما يشارك فى حاجة أو يقول كلام معين...!!
شفت ازاى الظلم ممكن يكون أشد على الانسان من حاجات كتير...خصوصا لما يبلعه لسبب أو لأخر...!!!
دى من الحاجات اللى فاكراها دلوقتى....لو افتكرت حاجة تانى أكيد حبقى أضيفها للحصاد...
بس زى ما قلت مش كل الملاحظات الدروس دى اتعلمتها من مواقف شخصية....فى حاجات مريت بيها...وفى حاجات شفتها مع شخصيات حوليه...يعنى أحداث متفرقة بس سابت علامة ما و فضلت فاكراها....!!
عشان كدة حسيت أن 2006 كانت مختلفة بالنسبة لى....و خرجت منها وأنا شايفة حاجات كتير بوجهة نظر تانية ...أكثر واقعية... و أقل سذاجة...!!!
و عشان كدة بقول:
اللهم علمنا ما ينفعنا و انفعنا بما علمتنا
اللهم أرنا الحق حقا و ارزقنا اتباعه...و أرنا الباطل باطلا و ارزقنا اجتنابه
اللهم لا تجعل الدنيا أكبر همنا و لا مبلغ علمنا ولا الى النار مصيرنا
و بم انى زهقت من كوكب الأرض ...و اكتفيت من بدرى و مش عارفة طريق كوكبى الأصلى :) فبدعى:
اللهم أحينى ما دامت الحياة خير لى...و أمتنى ما دام الموت خير لى
اللهم اجعل خير أيامنا أخرها وخير أعمالنا خواتيمها
بس بما أنى لسة قدامى وقت على الأرض الى أجل لا يعلمه الا الله
فأدعو الله أن يستخدمنا و لا يستبدلنا
و ألا يحملنا ما لا طاقة لنا به
و أنهى بأبيات لفاروق جويدة:
و نظل نسلك في الحياة طريقنا..
نمضي على الدرب الطويل
لكي نصارع.. يأسنا
قد تمسح الأيام فيه دموعنا
أو تستبيح جراحنا
و نظل نمضي.. في الطريق
4 comments:
nice en el wa7ed ya3mel review on the past year,el mohem that he uses it.
fee some points keda momken ab2a motafeka feeha ma3akee bas ma3 ba3d el ekhtelaf..
"that nothing happens as expected"
bel 3aks ma3aya geedan!kol 7aga kanet bete7sal as I expected it to be!(mostly not good of course),maybe 3ashan lekol ka3da shawaz wa ana men el 7alat deeh,bas this year fe3lan 7agat keteer expected we happened as it it.
fee no2tet el 7okm men el mazhar we en kolena bena3mel keda.sa3at ba7es en el judgment dah beyeb2a a7san la2eno beykhaleena natafada sadma akbar,bema3na enni law 3etamadt 3ala el 7okm el shaklee men el awal,kont hatafada ba2a sadmet lama a3raf 3oyoob fel shakhseya,momken tekoon weghet nazar pessimistic shewaya bas da men tagroba kaza mara..
we akheeran ya rab 2007 isA teb2a mothmera aktar men 2006(in good isA).
we happy new year :)
Please follow rules and good luck!. buy ghd From the past few years, it h been observed that most of th boys would like to play games. north face backpacks If a piece oif clothing has any of these culprits when you try it on go for a size up.. ugg Ticket sales start on 27 Oct with more ticketing details available from RITS within the next week. http://www.verynorthface.com Yatra .
This method delivers private insurance pertaining to companies that have difficulties getting insurance policy from the non-reflex current market. cheap north face jackets Polka spots are not any a lot more simply for women, neither are generally bird-prints and also florals. ugg boots sale It covers the interwar years of the 1920s and 30s, post-war era to the end of the 1960s and the style revival from the 1980s to present day. north face canada We rapidly had a crush on one another, like other lovers, we dated, we went to travel, we went purchasing, went to many kinds of parties and so forth. uggs canada Great stuff!.
Now obtainable online at top deals, your and improved look is simply look away. north face jackets I pieced the whole top in one furious go this afternoon. ghd flat iron Net-A-Porter is also the place to go should you need your fashion fix to be delivered fast.. ugg boots Her SS12/13 collection was a collaboration with Aboriginal artists from Coee Art Gallery, Desert Designs and Warlukurlangu Artists Aboriginal Corporation. http://www.fitghdhair.com This would mean that the partnering will change every episode and one contestant will be cut during elimination night..
Post a Comment