مصنع بمدينة العاشر من رمضان....للاتتصال ت:......!!!ا
رجل متزوج ...أريد أرملة أتقى فيها الله......!!!!!!!ا
شركة مساهمة...السهم 100 جنيه...للاتصال:......!!!ا
أرملة من الموصل...أريد زوجا.....!!!!!!!!!!!!ا
100 فدان بمحافظة الجيزة....للاتصال:.....!!!ا
ابنتى طبيبة...27 سنة ...عضو هيئة تدريس...أريد لها زوجا طبيبا أو مهندسا يتقى الله....!!!ا
اللهم صلى على سيدنا محمد......!!!ا
ألف مبروك للعروسين.....!!!!ا
فتاة متدينة ...ذات خلق....دلوعة...أخاف الله......!!!!!!!!!!!!!!!!!!ا
أريد مطلقة اتقى فيها الله.....!!!!!!!!!!!ا
الى مرضى السكر...أعشاب ( ) ....للاتصال:........!!!!ا
زيت دهن الثعبان لشعر كالحرير......!!!أ
مطلوب مهندس عمارة أو مدنى...للاتصال....!!!ا
الى أرملة الموصل....مصرى ..37 سنة...كيف التواصل......!!!!!!!!!!!!!!!!!!!!!ا
الى مسلمى العالم...أريد قرض 25 ألف جنيه.....!!!!!
------------------------------
اللى فات ده مش اعلانات مبوبة فى جريدة أو على موقع انترنت...و لا هى مقتطفات من كذا مناسبة فى كذا مكان ...و لا فيها مبالغة أو تأليف..... و لا أرملة الموصل و اللى بيرد عليها دول قاعدين فى غرفة دردشة فى موقع ولا حاجة!!!!ا
الكلام اللى فات ده كله حقيقى و بيظهر فى شريط ال اس ام اس اللى فى بعض القنوات....بس المستفز بقى أنه بيظهر فى قناة المفروض أنها ذات توجه دينى....فى ناس معاها على طول الخط...و فى ناس ضدها دايما...و ناس مش بيرتاحو ليها أوى و أنا منهم....و يمكن دى من أكتر الحاجات المستفزة بالنسبة لى .....يعنى قنوات الأغانى و الهلس بيمشى فيها أى كلام فى أى موضوع و مش فارقة أهو كله هبل فى هبل.....بس لما تبقى الناس بتستخدم الدين عشان أغراض غريبة كدة...يبقى فعلا الموضوع مستفز.....!!!ا
يعنى نيجى للى بيبيع و يشترى....فى حد يبيع أسهم على الهوا...تهريج يعنى.....!!!!ا....و بعدين خلينا نبص كده حنلاقى أنه استغلال للدين...يعنى اللى بيتاجروا دول بيحاولوا يكسبوا نقطة فى صالحهم وهى أنهم ناس تقية و محترمة و موثوق فيها و فلوسها بركة...و اللى بيشترى بيفكر برده أنه مش حيدحك عليه و أن الموضوع كله بركة فى بركة....مع أن يعنى دا لا مكان و لا مناسبة و لا طريقة تجارة بأى حال من الأحوال......!!!ا
نيجى بأه للأفظع.....اللى عايزين يتجوزوا ...أو بيعرضوا نفسهم عشان يتجوزا....فى حد ممكن يقول هما عرضوا حاجة..دول كلمتين و خلاص و محصاش حاجة.....لأ لأ لأ....الأسلوب مستفز و لا يقل استفزازا عن اللى بيصاحبوا بعض فى قنوات الهلس....الفرق ان هنا ...بيقولوا احنا داخلين جد و غرضنا شريف ... بس برده لأ لأ لأ.... الدين مش وسيلة كل واحد يستخدمها على مزاجه و يضفى بيها على نفسه القدسية و البركة.....يعنى ايه كل واحد يكتب عن نفسه متدين أخاف الله اتقى الله و عايز حد يتقى الله....هو مين أصلا يقول عن الانسان انه تقى؟؟؟؟...و لا هو ختم على الانسان بيبان لما الناس تشوفه......؟؟؟؟؟!!ا و خلاص كل حاجة عملها فى الدنيا عشان مش فاضل غير واحدة مطلقة ولا أرملة من قدام شاشة التلفزيون عشان يكمل التقوى؟؟؟؟؟!!!
يعنى فعلا حاجة تجيب شلل....يمكن الأفظع و الأبشع و الأشنع بكل المقاييس ...الأب اللى كاتب عن بنته.....يعنى الموضوع تعدى طيش شاب أو بنت ووصل لأب ناضج كبير المفروض أن احترامه لنفسه و بنته اللى المفروض يكون واخد باله أنها مش سلعة يبيعها...أو تهمة يرميها فى أقرب فرصة لأنه مقدرش يوأدها......!!!!!!ا
يمكن أنا بتكلم عن موضوع يبان تافه أو صغير...بس فعلا هو مستفز و مش صغير...و يبين الناس وصلت لحد فين و قد ايه استغلال الدين عند الناس سواء بقصد أو من غير....و يمكن الكلام اللى فوق ده نتاج دقائق معدودة قدام شريط الاس ام اس كنت حاسة فيهم بالذهول من اللى بيحصل...... و يمكن مكبرة الموضوع ..بس اعذرونى لأنه بالنسبة لى مستفز جدا جدا جدا !!!!ا
7 comments:
yeah!.. mostafez awy <_<
انا معتقدش ان القنوات ديه غرضها دينى فى المقام الاول ده غرض اقتصادى يعنى عبارة عن مشروع وصاحبه عايز يكسب باى شكل فمتسغربيش من الرسائل ديه
الرسائل ديه بتجيب فلوس فمفيش مانع منها
الاغرب انك تلاقى بنات وولاد بيبعتوا رسائل عايزين يتجوزوا بالمنظر ده هيه السطحية وصلت للتفكير ده انها تتعرف على واحد بعتتله رسالة يقوموا يتجوزوا ده تهريج
شكرا على زيارتك عندى
tab bosy,ba3edan 3an en channel zay el nas bera3'm mn enaha a7ab el kanawat leya w enaha nearly wa7da mn el 2olayelen ely batfarag 3alehom bas fe3lan beteb2a feha 7agat mobal3'a
asln el nas ba3d 7awaly shahr kant hatfales w tet2efel 3ashan el mezaneya darabet w 3ashan ely 2alo haynazelo el e3lanat,3ashan keda edtaro enohom ye3leno 3an 7agat mesh moktane3en beha 3ashan el channel temshy w yesebo lel nas enohom homa ely ye7adedo ely 3ayzenoh
el moshkela ba2a,en el commercials saye2a gdn w 5alet kol el amrad teshfah 3an tare2 el 3asal w el a3shab 7ata el 3okm ba2a leh 3elag!!!!!
w el moshkela bardo en el sharekat el kebera msh hate3ml e3lanat 3ala el channels el deneya 3ashan homa 3ayzen el channels ely nesbet el moshahda 3aleha max as LBC sa3et star academy w kda
nice awwwy moltazema w dalo3a w tataky ALLAH deh-loooool-
هو فى ايه مش مستفز دلوقتى ؟
;)
الموضوع مش تافه ولا صغير هوه فعلا مستفز ويمكن بيستفزني أناشخصيا يعني لما أكون قاعدة ف أمان الله بسمع برنامج ديني مهم جدا ويعدي الشريط ده قدام عيني مليان كلام مستفز معرفش مين عاوز يتجوز مين وكله نصب ف نصب مش ببقى عارفة أركز ف الكلام اللي بسمعه من البرنامج غير أني بقعد أضحك على كمية الاعلانات الهبلة دي هيه الناس خلاص اتهبلت ولا ايه حصل ؟؟؟؟؟ المهم بينتهي الامر اني أقلب القناة دي رغم اني بحب أسمع البرامج ادينية
ربنا يشفيهم
مصر هى أمى:
هو أنا مقدرش أدخل فى نواياهم و أقول غرضهم ايه فى المقام الأول...بس بشكل أو بأخر فى استغلال للدين ان ما كانش من أصحاب القناة فمن من ناس بيتفرجوا أو بيتعاملوا معاها....!!ا
و فعلا سطحية....!!!ا
-------
mado:
نقطة الميزانية اتكلمت فيها قبل كدة فى موضوع
Al Fajr ...another POV
كنت بتكلم عن نقطة بداية قناة سواء معاها أو ضدها و هى مفيهاش الامكانيات اللازمة معتمدة على البركة و خلاص و النية الصافية...و هل ده كفاية فى حاجة زى كدة و لا لأ ....!!!ا
بالنسبة للاعلانات فعلا بشعة...كوميديا ساعات...يعنى الحمد لله عايشين فى اسأل مجرب...و كل مرض ليه علاج حتى السكر و العقم زى ما قلت...يعنى كله بيشفى...و لاحظ أن برده فى لعب بمشاعر الناس و ميلهم للدين بتسمية كل حاجة الدواء الربانى..أو ظهور شيخ بعمة كدة..أو قرأن و أحاديث....!!!ا
-------
حسن محمود:
بالظبط...أنا بحس أنى حموت قريب من كتر الاستفزاز اللى حوالينا...!!!!ا
-------
sherman:
أنا قلت بس يمكن أنا اللى مكبرة الموضوع زيادة...!!!!ا
------
تحياتى للجميع
aslan el kanawat di mouch diniya bel makam el awal zai mayban 3aleha di mix ektesady 3ala siasy 3ala egtma3i w yemken ykoun fiha shouait dine asly besra7a from the old school w mech moktane3a bel tadayon el hight tec. asl eh el 7ekma fi en el nas aslan to23od to watch tv insted of working or thinking or even nenfate7 3ala el 3alam nechouf bey3melo eh 3ashan yesalo.china india ,japan malhomsh dine w nag7in .Malisya moslmine bas 7'aliet na7l
"it 's not all about religion "
ya3ni el 7kaya hags fi hags ehom beylho el nas be ay 7aga w gabbet natiga so do be upset
Post a Comment