1
من كام يوم كنت واقفة مع واحدة قدام الكلية حنركب و نمشى...و كان معاها عصير فبتطلع الشاليمو من الغلاف الصغير بتاعه و بعدين راحت رمياه ....فبصتلها كدة و قالتلها ليه كدة بس ؟!!!...فقالتلى أصل معرفتش أحطه فين!!!...و بعدين فكرت كدة و نزلت تجيبه من الأرض ...فقلتلها ...خلاص اللى حصل...فقالتلى لأ برده أشيلها أحسن ...يمكن يوم القيامة تفرق معايا تنزلنى شوية و لا حاجة....!!!ا
---------------
2
امبارح كنت بقول لحد أنا ناقصنى تجربة فى معمل باور و معرفتش أعوضها ...و خلاص بقى حودّي الكتاب زى ما هو ب 6 تجارب و خلاص....فقاللى خلاص اضربيها و خلاص...أى حاجة....!!!!!!!!!!...فقلت لأ أكيد مجاتش على درجة و بعدين لو جبت الدرجة كدة أكيد حتروح فى أى امتحان تانى..... !!!ا
---------------
وَتَحْسَبُونَهُ هَيِّنًا وَهُوَ عِندَ اللَّهِ عَظِيم
5 comments:
3
طلعت الأوتوبيس ، جه الكمسارى
- تذاكر
أنا- اتفضل
- تذاكر
س- نازل المحطة الجاية
-طب ادفع طيب
- لأ أنا نازل المحطة الجاية
- طب ايه اللى طلعك
- علشان أنزل المحطة الجاية
- ............
------------
4
ص- اكتب اسمى فى الغياب
أنا - لأ طبعا
- انت مش هتحضر ؟؟
- لأ هاحضر
- طب اكتب اسمى فى الغياب
- لأ
- ليه يعنى
- علشان حرام
- هيا جت على دى
- ................
-------------
وَتَحْسَبُونَهُ هَيِّنًا وَهُوَ عِندَ اللَّهِ عَظِيم
السلام عليكم
الاحساس الذى يتملكنى بعد قراءة الجزءالاولى و الخوف من تأرجح كفة الميزان بسبب شىء سقط الارض ثم الجزء الثانى و اليقين من عدل الله يشبه احاسيسي عندما كنت استمع الى قصص الاولين و اخلاصهم .
الايمان الحقيقى عندما يترجم فى حركات عفوية غير مدروسة تعكس ما يدور فى النفس دون تصنع او ادعاء تدين .
كأنى أقرأ الاية لأول مرة , ترى كيف حال ميزان اعمالى ؟
بوركتم
مؤمن
من المشاكل اللي مغطية على الناس و كفياهم على وشوشهم انهم اتعودوا على ان الوحش (الخبيث) لازم هيبان في عين الواحد وحش و معروف و مختوم عليه انه وحش
الأفة دي مانعة الناس انهم ياخدوا بالهم ان في كتير وحش بس باين في صورة جميلة و مزهزهة و كل ده علشان ينخدعوا فيه
و بينخدعوا فيه
وكثرة الخبيث برضه بتخليه في وجه الناس شئ طبيعي
(قُلْ لا يَسْتَوِي الْخَبِيثُ وَالطَّيِّبُ وَلَوْ أَعْجَبَكَ كَثْرَةُ الْخَبِيثِ فَاتَّقُوا اللَّهَ يَا أُولِي الْأَلْبَابِ لَعَلَّكُمْ تُفْلِحُونَ) (المائدة:100)
------------------------------
الأمة دي مش هتقوم بجد إلا لما تفهم اسلام
تفهمه صح
و على فكرة
فهمه مش صعب
بس هي الغمامة اللي على اذهاننا
رحماك ياربنا
babanesma;
1 2 3 4......ممكن نعد لانفينيتى!!!!ا
مؤمن
أكيد السؤال اللى عندى برده كيف حال ميزان أعمالى؟
!!!ا...
و أكيد برده لما كتبت المواقف دى كان أنا عارفة كويس أنى أكيد بتفوت عليا حاجات أكبر....و كتير أكيد بقع فى أخطاء أصغر أو أكبر....بس دايما بحس أن الواحد حيغلط حيغلط....المهم يبقى عنده الاحساس بالذنب و تأنيب الضمير لسة عايش جواه لأن ده اللى حيخليه يستغفر و يصلح من نفسه...و يوصل لدرجة من درجات الاحسان....!!!ا
kimexlilo;
اللهم أرنا الحق حقا و ارزقنا اتباعه...و أرنا البالطل باطلا و ارزقنا اجتنابه
rabbena yehdy !
tab we 3awadty el lab walla eh :D ??
Post a Comment