فى حفل كبير يقام بقصر نورمانى التاريخى بمدينة باليرمو عاصمة جزيرة صقلية تتسلم السيدة الفاضلة سوزان مبارك و كارلوازيليو تشامبى الرئيس الايطالى السابق وعضو مجلس الشيوخ الايطالى مدى الحياة جائزة نواة البرتقال التى منحتها لجنة السلطات المحلية الاقليمية الدائمة للشراكة الأورو متوسطية بجزيرة صقلية تكريما لجهودهما من أجل تنمية علاقات شعوب البحر المتوسط فى مجالات السلام و ستلقى السيدة الفاضلة سوزان مبارك كلمة خلال الحفل الذى يحضره العديد من الشخصيات السياسية الأوروبية و الايطالية..........
و يعود تأسيس لجنة السلطات المحلية الاقليمية الدائمة للشراكة الأورو متوسطية الى عام 2000 و يرأس الجمعية العمومية الايطالى سلفاتور كوفارو......!!!!
(الأهرام ....الجمعة 24/11)
طبعا الفقرة اللى فاتت دى خبر بجد مش نكتة.....مع انه يحوى فى طياته أكثر من حاجة تضحك أكتر من النكت....!!!
يعنى مثلا فى البداية كدة ...ايه نواة البرتقالة دى....؟!!...من امتة و البرتقالة ليها نواة.....!!!و لا عشان احنا فى العصر النووى...يبقى
أكيد الاسم ليه دلالة و انا اللى جاهلة ....نعدى البرتقلة اللى بنواه دى.....خلينا فى المضمون العميق و القيمة الراقية و المعنى الأبعد للجايزة بغض النظر عن المسميات.......!!!
دى جايزة من فين ؟.. .من لجنة السلطات المحلية الاقليمية الدائمة للشراكة الأورو متوسطية .....!!!
يا سلام....شكلها حاجة جامدة ....بيبيعوا ايه هناك كدة؟!!! برتقال ولا ايه...!!!!....لأ لأ عييييييب أكيد دى جمعية عريقة و ليها و زنها .....مممم...نبص كدة نلاقيها أسست سنة 2000....مممم مش مشكلة.....بس أكيد يعنى حد سمع عنها...!!!
نشوف كدة....كابتن كابتن....تعرف لجنة السلطات المحلية الاقليمية الدائمة للشراكة الأورو متوسطية ؟!!!
طبعا الاجابة معروفة.....!!!!
طيب سيبنا من كل ده... قلنا نخلينا فى المضمون....هيا ايه السبب فى منحها أصلا....!!؟؟
قالك ايه بأه....." تكريما لجهودهما من أجل تنمية علاقات شعوب البحر المتوسط فى مجالات السلام ".....ممممم على أساس أن شعوب البحر المتوسط كان بينها حروب مثلا أو صراعات على المسجد الأقصى ...أو أن قيصر روما عمل اتفاقية سلام مع شعوب البحر المتوسط.......أو أن ملوك الأندلس بطلوا حروب...أو ....ولا كفاية كدة!!!
طبعا فى النهايه يا جماعة...أحب أؤكد عليكو انكو لازم تكونو أحسن منى...و أكثر ثقافة و تفتحا و تفخروا ببلدكوا و السيدة الأولى فيها و اللى قدرت بكل جدارة و حكمة و تفوق و تألق و سياسة و دبلوماسية أنها تشرفكوا و تحصل على الجايزة الاورومتوسطية ...!!!
6 comments:
" تحت السجر ياوهيبه( قصدى يا سوزان ) ياما كالنا برتقال"
و بهذه الاغنيه نختم الحلقة و الى اللقاء فى الحلقه القادمة من برنامج غرائب و طرائف
heheh.
entee mesh fahma,dee neyet el borto2an fe 2en el salam ye3om,fa homa edolha el neya we 2alolha tawakalee 3ala rabena..
wallahi 3alam......
مش عارف ليه بقالى كتير مقريتش الجرايد
بس الحمد لله
4 ami:
looool @ wahiba ;;
4 yoyo:
mafhemtesh 7aga,...bas fe3lan 3ala ra2y el 7ekma "el mohem el neyya wel a7sha2 el gowaneya"..!!
4 babanesma:
ana bardo ba2et ba2ra el garayed olayel,...i feel sick menha ..!!
:)
ربنا يقويها يا رب
ولمزيد من الجوائر والميداليات
:(
:(
:(
Post a Comment