لبنان....اضطرابات....اغتيالات...صراعات...انقسامات......أكيد موقف لا يحسد عليه...بس بالرغم من كل ده نقدر نشوف عندهم حاجات مش موجودة فى بلاد عربية كتير...كلها تقريبا....يعنى كفاية ان فى أحزاب و تحالفات قوية مختلفة الاتجاهات و الرؤى ...عندها القدرة انها تعارض ...و تختلف و ممكن فى لحظة معينة زى دلوقتى توصل لدرجة انها تحشد كل قواها لاسقاط الحكومة...الشئ اللى فى بلدنا ممكن يكون خيال علمى...لأنه عمره ما حصل....حتى الثورة اللى كل الناس بيحكوا عنها لم تكن ثورة...كانت انقلاب عسكرى....يعنى فكرة ان الشعب بقيادة أحزاب و زعامات يفكر و لو مجرد فكرة عابرة فى الضغط على الحكومة ...مش بقول اسقاط ...لأ بس ضغط عشان مطلب معين يعتبر نوع من أنواع الجنون بالنسبة للعقل المصرى ....خصوصا فى اطار وجود الحزب الواحد...و غياب أحزاب أخرى قوية....!!!
بعيد عن الموضوع كله بتعقيداته .....بحب قدرة الشعب اللبنانى على الالتفاف حول فكرة واحدة...بغض النظر عن مدى جدواها.....يعنى عمرى ما شوفت فى مصر مثلا تجمهر حاشدمنظم و رائع بجد....عمرى ما شوفت ناس مستعدة تبات فى الشارع لأيام فى أى جو عشان مطلب معين..... و عمرى ما حشوف ...مش لأن الموضوع ممنوع بس...لأ كمان لأن الشعب مش من ثقافته أنه يعمل حاجة زى كدة...!!!
الناس هنا ممكن يقولوا يسيبونا بس و يدونا حق التجمهر و احنا حنوريهم...حنقطع الدنيا.....بس لو سابوهم بأه فعلا بكرة ...ايه اللى حيحصل...؟!!
حتلاقى واحد يقول لأ أصل مش فاضى صراحة...عندى معاد مع الدكتور عشان صباع رجلى الصغير بيوجعنى...!!!
.واحد تانى حيقول ياااه بس لو ماكانش عندى امتحان لوجيك يوم الجمعة كنت نزلت على طول....!!!
.غيره حيقول معلش أصلى متفق على خروجة و أصحابى مستنيين على القهوة ...معلش تتعوض فى اعتصام تانى ...بس ابقوا بلغونى بمسج من قبلها أو حتى رنوللى ساعتها.... أجيب العلم و الشلة و ممكن الخيمة كمان عشان لو حنقضى كام يوم ... و قشطة يعنى...!
واحدة غيرهم حتقول اعتصام ايه بس ؟!!! الأكل على النار و العيال لسة ماكلوش و الراجل يعنى ييجى مايلقيش الأكل....!!!
واحد مختلف قرر يبقى ايجابى و ينزل...أهله يقولوله...أنت اتجننت ؟!! اعتصام ايه؟!!...يا ابنى خليك فى مستقبلك ...بدل ما يلموك مع أى حركة و تروح فى داهية...يا بنى ربنا يهديك بلاش نزول...ما أنت كنت عاقل و مالكش فى حاجة...أكيد دى عين و صابتك...!!!
واحدة زيه برده قررت تنزل....أهلها فى هلع يقولوها ...يا نهار أسود ..يا نهار أسود...جه اليوم اللى تحطى دماغنا فى الطين....اعتصام ايه و هباب ايه.... مافيش بنات تطلع اعتصامات...قلة أدب...بنات أخر زمن...!!!!
و لك أن تتصور غير كدة من الأمثلة الغريبة العجيبة المريبة اللى حتحصل قبل بكرة اللى هو يوم الاعتصام يعنى....!!!
و ييجى بكرة... يوم الاعتصام المشهود... وتيجى وكالات الأنباء العالمية....!!!
بخ....!
الساحة فاضية...مفيش غير كام واحد و كام علم و خيمة واحدة منصوبة.....و الشعب فين ؟!!!...
اااااااه الشعب....فى مشوار بس وجاى بعد كام ألف سنة....ال الشعب ال.....شعب ايه بس؟!!!
....شعب ايه اللى انت جى تقول عليه؟!!!!
الناس هنا ممكن يقولوا يسيبونا بس و يدونا حق التجمهر و احنا حنوريهم...حنقطع الدنيا.....بس لو سابوهم بأه فعلا بكرة ...ايه اللى حيحصل...؟!!
حتلاقى واحد يقول لأ أصل مش فاضى صراحة...عندى معاد مع الدكتور عشان صباع رجلى الصغير بيوجعنى...!!!
.واحد تانى حيقول ياااه بس لو ماكانش عندى امتحان لوجيك يوم الجمعة كنت نزلت على طول....!!!
.غيره حيقول معلش أصلى متفق على خروجة و أصحابى مستنيين على القهوة ...معلش تتعوض فى اعتصام تانى ...بس ابقوا بلغونى بمسج من قبلها أو حتى رنوللى ساعتها.... أجيب العلم و الشلة و ممكن الخيمة كمان عشان لو حنقضى كام يوم ... و قشطة يعنى...!
واحدة غيرهم حتقول اعتصام ايه بس ؟!!! الأكل على النار و العيال لسة ماكلوش و الراجل يعنى ييجى مايلقيش الأكل....!!!
واحد مختلف قرر يبقى ايجابى و ينزل...أهله يقولوله...أنت اتجننت ؟!! اعتصام ايه؟!!...يا ابنى خليك فى مستقبلك ...بدل ما يلموك مع أى حركة و تروح فى داهية...يا بنى ربنا يهديك بلاش نزول...ما أنت كنت عاقل و مالكش فى حاجة...أكيد دى عين و صابتك...!!!
واحدة زيه برده قررت تنزل....أهلها فى هلع يقولوها ...يا نهار أسود ..يا نهار أسود...جه اليوم اللى تحطى دماغنا فى الطين....اعتصام ايه و هباب ايه.... مافيش بنات تطلع اعتصامات...قلة أدب...بنات أخر زمن...!!!!
و لك أن تتصور غير كدة من الأمثلة الغريبة العجيبة المريبة اللى حتحصل قبل بكرة اللى هو يوم الاعتصام يعنى....!!!
و ييجى بكرة... يوم الاعتصام المشهود... وتيجى وكالات الأنباء العالمية....!!!
بخ....!
الساحة فاضية...مفيش غير كام واحد و كام علم و خيمة واحدة منصوبة.....و الشعب فين ؟!!!...
اااااااه الشعب....فى مشوار بس وجاى بعد كام ألف سنة....ال الشعب ال.....شعب ايه بس؟!!!
....شعب ايه اللى انت جى تقول عليه؟!!!!
6 comments:
هو انا عندي اعتراض على كلمة شعب بس
ياريت بقى تسمية الحاجات باسماءها الحقيقية
دول الشو الروسي
(Y)
احنا ناس بنتفشخر دايما بان حكامنا فراعنة
يعني و لله الحمد شعب ابيض في التغيير
--------------------
الشعب اللبناني شعب اطحن فترة كبيرة جدا و بقى عارف مصلحته ازاي و ان حد غيره مش هيجيبله مصلحته
لازم يجيبها بنفسه
و على فكرة لبنان في منطقة شهدت حضارات قديمة و قديمة جدا زينا يعني بس طول عمري بحس انهم استفادوا صح من تاريخهم القديم
يا حسرة
--------------------------
و الله كنت من فترة بحاول ابدأفي بحث بعنوان " التغيير ... الكلمة الحلم" و قلت على اجازة نصف السنة و ابدأ فيه بسرد معني كلمة التغيير لغة و اصطلاحا و انواع التغيير بدأ من تغيير السيارة لحد تغيير مصير الأمم و التغيير على مر العصور و هل احنا فعلا محتاجين تغيير في مصر و للا لأ و قوى التغيير الموجودة و خلافه
بس احبط همتى حاجتين
الأولى هو ان الموضوع ده اكبر من اني انجزه لوحدي
و دي قلت مش مشكلة ممكن الاقي حد ليه نفس الميل و الهواية و نبدأ نكمل بعض فيه
و الثانية هو اللي طرحتيه في مقالة النهاردة
قلت هو ده شعب يستاهل
بس يمكن افكر من منظور متفائل و اقول يمكن اللي بنعمله ده يصحصح الناس
يمكن .....
شكلكو هتودونا في داهية
يا بنتي خلصي كليتك
واتجوزي
وخلفي
وموتي
كل ده بدون بهدلة
خليكي جنب الحيط
بس لو الحيط وقع انا مليش دعوة
:(
المشكله فينا ان المشكله مش النهاردة او امبارح احنا من ايام الفراعنة و احنامضروبيين على قفانا ايام الفراعنة كانوا يجيبوهم و يودوهم يبنوا الهرم و حاجة ضخمة علشان واحد 2 متر فى نصف متر يدفن فيه
خلصنا من دول جه الاحتلال الانجليزى و الفرنى و الناس اتاحدت تحفر قناة السويس و هما مش عارفيين لحد مماتوا
و هاكذا
الناس طول عمرها و حد بيفكرلها و يقولها ده الصح
و بما اننا شعب طيب و مش بيحب المشاكل فديما نسمع الكلام
---------------------------- بالنسبة للبنان انت لما تشوفهم فى الايام العادية تقول دول عالم هايفة و ملهومش غير فى الموضة و الاغانى و الرقص لكن ساعة الجد رجاله و عارفيين حقوقهم و واجباتهم
-------------------------------- ملاحظة هوة فين الامن المركزى الى عندهم ؟؟؟
والله عندك حق
بس انا شايف ان الشعب بتاعنا ممكن حشده ... والدليل على كده انه اتجمع في كاس الامم الافريقية ... هو محتاج يفوق شويه بس ... محتاج يفهم نفسه أكتر ... محتاج حد يفوقه ويشيل شوية التراب اللي على الوش ... لو التراب ده اتشال هيبقى كويس ... وعلى فكرة احنا بردو من ضمن الشعب ... كلنا بأه فينا حتة السلبية
dr_ahmedsalah
http://dr-ahmedsalah.spaces.live.com/
for kimexlilo:
wade7 fe3alan odam el 3alam en el sha3b el lebnany 3aref masla7to,...about million mowaten yenzelo el share3 fy 7ashd fy dawla fiha 4 million bas,..ya3ny 0.25 el sha3b,...ye7'alina ne3raf enohom fel gad mesh beyhazaro we 3arfeen 7agm el mawkef we ahameyeto,..we 3ala ad el mas2oleya...!!
for ami:
no2tet el fara3na dy men aktar el 7agat el mostafeza,...ya3ny mashoftesh el lebanese bey2olo kol youm wel tanymaslan ,..e7na agdadna el finikeyeen 3amlo we sawwo,...nefsy ba2a fy masr nebos le odam mesh le wara ...!!!
4 ahmed:
as 4 no2tet 7ashd el sha3b we eno kan fel botola we keda,..da mesh mekyas la2en after all da makansh she2 gad fih masir sho3ob fe3lan,..we makansh fih risk aw 7aga ... kollo kan 4 fun,....!!
no2tet en 7ad yefawa2o,....ya3ny momken el sho3ob betab2a me7taga leader kawy aw sha7'seya 3andaha charisma kawya ,..bas el awal yeb2a 3andohom este3dad we yeb2o 7assen be 7'otoret el mawkef...!!
we 3an no2tet el salbeya ...akeed akeed mawgoda fina be nesab motafawta,..we el avarage beta3ha fel sha3b 3aly gedan,....so me7tageen ne3alegha sa7 we be tawazon...we en kan el mogtama3 beye3'res keyam el salbeya ,..bas lazem lazem el nas tet7'alas menha !!!
Post a Comment