ايه هى البطاطا؟....اوصف لى اللبن؟
الأول :البطاطاهى نوع من الدرنيات غالبا بتتشوى و طعمها مسكر.....و اللبن مشروب أبيض اللون.....!!!
الثانى :لأ البطاطا أه نوع من الدرنيات بس مش مسكرة...دى ممكن نطبخها أو نحمرها.....و اللبن أه لونه أبيض بس مش سائل ولا بيتشرب ده بيتاكل....!!!
مين الصح فى الاجابتين اللى فاتوا.....الأول...الثانى...و لا يمكن الاتنين.....!!!
طيب لو الاجابتين دول فى نقاش بين اتنين....و كل واحد شايف التانى غلط هل ممكن يوصلوا لنقطة التقاء ....هل ممكن أصلا يكملوا الحوار على أساس صحيح من غير ما يصر كل واحد على اثبات ان الثانى غلط؟!!!!
لو رجعنا تانى لأول اجابتين حنلاقى ان الاتنين صح.....بس المسألة اختلاف لهجات...و بالتالى اختلاف التعريف او المفهوم للشئ.....يعنى البطاطا فى لهجات هى البطاطس....و اللبن هو الزبادى......و بالتالى لو اتنين عندهم مفاهيم مختلفة لنفس المسمى حيكون النقاش مش على أساس صحيح....يعنى على سبيل المثال ممكن واحد(مفهوم اللبن عنده هو المشروب) يفضل يقنع الثانى أن اللبن مضر و يجيبله الأدلة العلمية و الطبية و كل الاثباتات الموجودة.....و على الجانب الأخر الطرف التانى(مفهوم اللبن عنده هو الزبادى) يفضل يقنعه بأدلة علمية برده و أبحاث أن اللبن مفيد .....بس هيهات أن حد يقتنع برأى التانى....بل وارد بشكل كبير تبادل الاتهامات بالجهل و الادعاء ....فى حين ان الطرفين محقين و أدلتهم صحيحة .....و لو كانوا خدوا دقيقة فى بداية المناقشة للتأكد من أنهم بيتكلموا عن نفس الحاجة كان وفر عليهم كتير من الجدل العقيم.....!!
اهو الناس بقى معظم نقاشاتها بطاطا و لبن.....ازاى؟!
كتير تشوف نقاشات على شاشات التليفزين...المنتديات...أو أى مكان حول موضوع ما هايف أو مهم....صغير أو كبير .....عن العلمانية...الشيوعية...المهلبية....النظم الاسلامية....الرأسمالية....الاشتراكية....التدين....التطرف....الحرية....الكانتالوب....أى حاجة فى أى حاجة......!!
غالبا كل طرف فى النقاش بيبقى عنده تعريف مختلف لنفس المسمى.....و كل طرف عنده معلومات صحيحة....بس النقاش بياخد مسار على غرار البطاطا و اللبن....و يبدأ الجدل فى حين ان ممكن يكون كل واحد جانبه الصواب فى ناحية.....لكن ازااااى.... لازم تتحول معركة و مبارزة ليثبت كل واحد خطأ و ضلال الاخر ... و تكون المحصلة صفر ان لم يتدارك الأمر ليكتشف كل طرف بعد ضياع وقت كتير ان لبن الأول غير لبن الثانى......!!!
عشان كدة بشوف أن فى أى مناقشة توضيح المفاهيم لنفس الشئ عند مختلف الأطراف ممكن يوفر كتير من الوقت و الجهد و الجدل العقيم ....و أكيد حتكون مناقشة أكتر موضوعية.....!!!
و عشان كدة افتكروا فى أى مناقشة حول أى شئ حتى لو بدا من الثوابت أنكوا تسعوا الى الاستيضاح و متكتفوش بالسؤال السطحى...." ايه هى البطاطا؟....اوصف لى اللبن؟"......!!!
7 comments:
1 + 2 = 3 and thats of no doubt.
There is no disagreement about the logical mathematical process, The debate is about what is "1" & what is "2"
We are all perfect at the mental processing and we do it the same, but the problem lies in the input feeding to such process.
More generalization-this could be little off topic indeed- What we call "The Mind" is the processor while The inputting comes from "The heart" in other words "how would you like to see things"
You can clearly see this at the Holy Quraan verses about thinking, and from the daily life..I can see that you already documented this by your post.
I have loads philosophical sophistications about these issues but from the scientific side actually "neural sciences".
Wafa
Locus-coeroleus
حلو اوى البلوج بجد جامد اخر حاجه
انتى فعلا عندك حق يعنى كان فيه مثل للموضوع ده بس انا مش فكراه بالظبط فهالفه
ان لو فيه حاجه نفس الحاجه اتنين بيبصوا عليها ده عمال يقول ديه شكلها كذا والتانى يقوله لا انت مش بتشوف ديه شكلها حاجه تانيه ليه حصل كده لان كل واحد بيبيص على وجه واحد ومعندوش استعداد يشوف التانى بيبص على ايه مع ان واحد فيهم لو قام من مكانه وبص من نفس الجهه اللى باصص منها التانى يمكن يبدأوا يفهموا بعض
مش عارف المثال واضح ولا لأ
هوا فيه مشكله كمان ان الناس معندهاش استعداد تقول انا كنت فاهم غلط
طيب والله بجد فيه ناس بعد ما تقتنع انها غلطانه او كانمت فاهمه غلط تكابر برده ومتقولش بس بيبان طبعا
............................
انتى ايه حكايه البطاطا معاكى وبعدين ملكيش دعوه بالبطاطا المحمره ديه زى الفل
والكانتلوب عجبك اوى كده ليه
:D
yaaaaaaaaah, wallahy nefsy a5d el blog dah w a7oto 3al site 3andena w bardo el nas hatet5ane2 w hayegy wa7ed w ye2ol men 2al en el batata heya el batates w wa7ed hay2ol el laban msh lono abyad, el gebna hya ely lonha abyad
msh 3arf,ba2et a7es en el nas betet3amed el gedal f el fadya w el malyana
(Y) nic blog fe3lan w mabrouk el banaer el geded
احيانا اصلا ناس كتير تدخل في نقاش عشان يتخانقوا
زي ماتكون دي متعة اصلا!!
نوع من انواع التنفيس و الاحساس انه دايما صح
في تاج لك عندي
و بجد باعتذر عن التاج السابق
المجادلة دى شئ مزروع فى طبيعة البشر
سواء بفهم أو لأ
لازم نجادل و خلاص
و نتمسك برأينا حتى لو غلط
عشان محدش يقول أننا رجعنا فى كلامنا
و أننا مش ثابتين على موقفنا
بسبب موضوع التعريفات ده...كرهت الفلسفة والمنطق والمواد الادبية كلها
بيبقى فعلا الناس مسميين حاجتين مختلفتين بنفس الاسم
زي مثلا العلمانية واليبرالية او الشيوعية والالحاد او البطاطس والبطاطا
موضوع هايل :)
wafa;
yeah ,...ppl c things as they wanna c them ,...or as they r programmed to c them according to different factors....!!!
------------
marmora;
i understand ur point but it's kinda different ,....coz what u r talking about is the "point of view " issue,...how ppl c 1 thing from 2 different sides,.....!!
on the other hand what i'm talking about is talking about 2 different things as if it's the same one just coz they have the same name in their minds or languages ....!!
as in example el batata,...they r really talking about 2 different things & they r both totally right,.....but the problem is that they didn't make sure of what they r talking about.....!!
another example ask some ppl what's ur opinion on islamic regime?!
u'll find some with ,..some against,.....& few won't b able 2 answer unless they have the definition of the elastic word "islamic regime" ,.....is it Taleban,...Iran,...is it applying the tolerant essence of islam ,......what is the specific meaning....!!!?!
ah sa7i7;
batata we kantalaop,...dedicated liky :p
--------------
mado;
looool,....aha ppl r in love for arguments,.....bas mayb it's one of the factors that make discussions on a wrong base....!!
i sometime stop in a discussion & say,....plz define it,...do u mean it that way or the other way ,....to b able to continue on the right track...!!!
allah yebarek fik,...shwayet eshrak keda we ba3den 7arga3 lel tany ;;
--------------
sara la tulip rose;
yeah it's due to what i call "the sense of superiority" in the human being that needs to b controlled,...!
thx for the tag although it's a long one but i'll try :)
--------------
aleron;
yeah it's in the human being,....but a person can tame himself ,...it's not sth constant....!!
--------------
marvel;
it's not totally philosophy :)
let's call it the essential base in evth,....science ,..life,...etc.
thx
-----------
regards
Post a Comment