دايما الناس بتقول احنا بلد شهادات...و للأسف اكتشفت ان الكلام ده صح جداا.....بشوف ناس بتعمل حاجات كتير بالدافع ده....يعنى مثلا لما كنت فى السنترال فى الشئ المدعو تدريب اللى حكيت عنه سابقا ..... بعد ما اكتشفنا ان الموضوع فاشل و ان مالوش أدنى فايدة...قلنا مش حينفع نكمل كدة...و قررنا أو قررت أنى مش حكمل.....و كان فى واحد معايا رايح رابعة فكان كل همه أنه يطلع بشهادة يرزعها فى السى فى بعد كدة.....حتى لو جيه و ضيع وقته أو مضى حضور و خلاص......بعد الموضوع ده و من فترة بدأت اشتغل مع ناس فى نشاط معين....و فوجئت مرة بحد بيقول ...أهم حاجة فى الحوار ده كله الشهادة.....طبعا جالى شلل.....يعنى مش معقول يكون يكون الانسان بيشارك فى نشاط أو بيروح تدريب و طالع نازل و مضيع وقت ...مش لأنه بيحب يتعلم حاجة...أو ياخد خبرة أو يستفيد....لأ لمجرد أنه عايز اسم و منظر و شهاادة و سطر زيادة يرزعه فى السى فى اللى حيقدمه فيما بعد فى أى حتة.......بصراحة بالأسلوب ده حنفضل طول عمرنا ورا و لا حنتحرك خطوة لقدام لا النهاردة و لا بعد الف عام....و قول على مصر السلام......!!!!!ا
عندى سخط شديد على البلد و الكلية و النا س و العيشة و اللى عايشينها .......!!!!
سخط على البلد عشان حاسة فعلا أن الناس بقى عندها شك كبير أن مصر هى مامتهم......بدأوا يشك أنها مراة أبوهم ...أو لقيتهم على باب جامع أو أو أو......مش فارقة الطبقة و لا السن كل الناس بقى عندها خنقة من أول موضوع الميه اللى طال من البرلس للقطامية....لموضوع الدى اس ال اللى يدل على ذكاء شديد فى الحكومة كالعادة طبعا......!!!!
سخط على الكلية عشان حاسة أنها الخدعة الكبيرة ....زى أى حاجة فى البلد....عدم نظام.....فوضى...عك...فتى......عايشين فى دور الكلية الجامدة و أنا أصلا حاسة أن احنا فى النازل و كلها كام سنة و تبقى فى الأرض......مش معقول الادارة و العقليات و السياسات......زى ما قلت نموذج من ابداع البلد.....!!!
سخط على الناس و العيشة عشان حاجات كتيييييييييييير....مش مشكلة بقى.....أااااااه يا بلد.!!!
---------------------------------
مجربتش قبل كدة أكون أعصابى باردة....أو بمعنى أصح مبعرفش.....لما يكون ورايا حاجة بفضل مشغولة بيها ....و أما أكون مسئولة عن حاجة مش بستريح غير لما أخلصها .....و حتى لو مش مسئولة فعلا بس ممكن أقدر أعمل الحاجة بفضل قلقانة عشان الحاجة تتزبط.....و مبحبش أعمل حاجة على أخر وقت .....بس بقابل ناس أعصابها باااااااااااردة و مش هاممهم أى حاجة فى أى حاجة....مواعيدهم ضايعة.....مبيفرقش معاهم أن فى حاجة عاجلة ولا مهمة ولا أى حاجة....كل حاجة عااااااادى....و با أن معنديش برود الأعصاب ده بيتحرق دمى جدا لما بتعامل مع النوعية دى و بحس بالشلل الفظيع....بس فى نفس الوقت باجى كدة لحظات و أقول ياااااااااه نفسى أجرب أكون مرة باردة...أكيد ساعتها قولونى العصبى حيهدى....و صحتى حتتحسن.....بس صراحة عمرى ما عرفت أخلى أعصابى باردة .....مرض بقى....!!!
---------------------------------
مش عارفة ليه كل لما اشتغل مع مجموعة فى أى حاجة مهما كان عدد المجموعة مطلعش غير باتنين بالكتير اللى على نفس مستوى الحماس و الاهتمام و الانجاز و الاندماج فى فريق عمل.....فعلا الناس عندها أزمة كبيرة فى الشغل مع غيرهم سواء من ناحية الفكرة أصلا أو من ناحية المرونة أو الالتزام...أو أو أو.......الناس بتتربى على الفردية ...على الأنا...على عدم الالتزام....على عدم المرونة......فيطلعوا غير فاعلين فى مجموعة معندهمش القدرة على العمل مع ناس غيرهم و انجاز حاجة. ....أو مستبدين برأيهم.......خسارة فعلا ....أكيد لو الناس كانت غير كدة....كان الحال حيكون أحسن من كدة....بس لو.....!!
-----------
كفاية كدة خنقة.....!!!!ا
5 comments:
لا لا لا لا
مالكيش حق الصراحة
انا مش مقتنع اطلاقا
;;
-----------------------------
بس تجدي الرابط العجيب بين كل الكلام اللي فوق الابداع
الكرياتفتي
mesh el creativity
الابداع في اختيار الأهداف من المشاركة في المشاريع
يعني مثلا يهمه الشهادة
وماله . ماهو كده كده هيخدها سواء اشتغل وللا لأ. الابداع انه عايز الشهادة و مابيشتغلش
غغغغغغغغغغغغغغ
الابداع في موضوع الدي اس ال
فكرني بالنكتة بتاعت الرئيس لما راح الجامعة و سأل واحد من الطلاب نفسك تكون ايه لما تكبر . قال لع عايز ابقى وزير . قاله انت حمار يابني. قاله هو شرط يا فندم !!!
اما ابداع المياه ده مالوش حل
الفيضان بيزيد المياه بتقل !!! . القري على شط النيل بتصلي صلاة استسقاء .
بس انا ظني ان اللي بيدي كورسات الكرياتفتي رائد علم الابداع المعاصر حمدي زقزوق
الراجل ده عقلية بشكل !!!!!
ابحث عن الابداع تجد زقزوق
مش بقولك ناموسه
هعهعهع
صدقيني كلنا عندنا الاحساس ده و الشعور ده تجاه مصر بس برضع عندي احساس أنها ممكن توحشني لو سافرت بره و سيبتها
تحياتي لكي
سلام ياأميمة
ازيك؟
والله ياأميمة الحال نفسه في كل البلدان العربية أو أغلبها
لسه يمكن الحال عندكم أهون من هون
كلمة اتخنقت مش قادرة تعبر حتى عن شعوري الحالي
والله
نفسي أطلع ، أروح أي مكان بيقدر المبدعين أو الناس اللي عايزة تكون منتجة على الأقل
يمكن لو ضليت هون كمان سنتين اموت أنا مفترضة غني عمور البيولوجي حاليا صار 50 سنة
وللحديث بقية
والله يفرجها
اللي في الجامعات حاليا..طابة عمل أو طلبة شهادات مش طلبة علم
والصنف الأخير منداس في الرجلين
Post a Comment