اللى مشافش شغل الحكومة ....يبقى مشافش حاجة...!!!!
ده اللى أمنت بيه خلال 3 أيام الأسبوع اللى فات خلال رحلتى الفاشلة مع محاولة تدريب مش فاكرة صراحة من اللى شار عليا بيه.....!!!!
يمكن اللى اتعلمتوا فى اليومين اللى فات مالوش علاقة بالهندسة.....يس اتعلمت شوية دروس فى الحياة الحكومية
حقولها فى نهاية القصة
هو المفروض انى كنت رايحة المصرية للاتصالات....كنت فاكرة أنها أرقى شوية من الأماكن الحكومية....بس اكتشفت أن مفيش فرق...هى نفس العقليات...و نفس الضياع....ممكن يكون فى قطاعات أنضف من قطاعات بس فى النهاية....لازم و فى الغالب حتشوف بصمة المصالح الحكومية مطبوعة على سلوك كتير من الموظفين.....!!!ا
هى القصة بدأت لما كلمونى قالولى أنتى ساكنة فين؟!...طيب فى أماكن كذا و كذا تحبى ايه....(واخدين بالكو من الديمقراطية طبعا)....فقلتلها مدينة نصر فى الطيران....قالتلى طيب كلمينى بكرة شوفى مدينة نصر ولا القبة....تانى يوم لقيتها بتقوللى القبة......طيب كانت بتسأل ليه من الأول.......قلت ما علينا مش سفر يعنى ....و رحت....و بدأت المأساة الساخرة.......!!!!
اليوم الأول ...الأحد
أروح هناك طالعة نازلة طالعة نازلة...من المدير لمكتب معرفش مين...لأ شوفى الفاكس... طيب ده مع زميلك.....لأ شكلكو جايين هنا غلط.....ممم ارجعوا للمدير..كلموا مدام معرفش مين.....استنوا شوية المدير مشغول...عااااااااااااا
و محدش فاهم أى حاجة فى أى حاجة ......و احنا 3 بس من جامعات حكومية.....أما الجامعات الخاصة زى العاشر و مودرن فمعززين مكرمين لأن الجامعة عاملة نظام و مش سايباهم يتبهدلوا....!!!ا
طبعا بعد اللف شوية المدير صارحنا بالحقيقة أنه جديد و مش عارف نظام التدريب ده ايه ومش عارف يودينا فين....فمن الأفضل أن احنا نروح و نيجى تانى يوم عشان يكون بحث الموقف......!!!!
اليوم الثانى...الأثنين
أروح على المدير...خلاص بقى القعدة بقت عند المدير نص الوقت....ألاقي شوية بنات مكانوش موجودين اليوم اللى قبله و المدير بيقول لموظف طيب احنا نلففهم على الأقسام بحيث ننجز فى أسبوع يللا خدهم على الفرام
Frame
و أروح لمصيرى المجهول من غير ال 2 اللى كانوا معايا اليوم اللى قبله......و تحت فى الفرام اكتشف ان البنات دول تعليم صناعى.....و مع احترامى أكيد تدريبهم و وجهة نظرهم غيرنا....فأول ما جيه ال 2 الهندسة قلنا نطلع للمدير نبحث الموقف تانى ....نلاقيه مشغول...و الناس اللى بتعمل شكاوى و بتتخانق و معرفش ايه....نعمل شوية تليفونات كدة مع الناس اللى حولونا هنا و صاحبتى اللى راحت مكان تانى....نلاقى الموضوع مكعبل ....ندخل للمدير نلاقيه لسة تايه و مش عارفلنا مصير....ننزل و نكلم المسئول عن توزيعنا استاذ صبحى ....و هنا الطامة الكبرى لما قفشت و قلتله ازاى كدة و محدش فاهم حاجة من أول المدير و سألته السؤال الخطير هو مفيش بروجرام؟....راح رادد فى تهكم بالقول المأثور بروجرام ايه ؟ التدريب حسب انتو عايزين ايه....!!!
طيب اصلا احنا عارفين فى ايه فى دهاليز السنترال عشان نعرف احنا عايزين ايه.....المهم لما لاقانى قافشة كدة قاللى طيب كلمينى بعد ساعتين ممكن اشوفلوكوا حل انقلكوا أو حاجة....!!
احنا لاقينا اليوم ضاع كدة كدة فقلنا ندخل أودة الفيران ...الفرام يعنى.....و شوفنا بقى الراجل اللى كان هناك و قعدنا نسأله و كدة و كان ناقم على النظام أو اللانظام اللى فى البلد...و شوفت بقى قمة الأهمال كالعادة فى مصر.....أودة مليانة أسلاك و فولت عالى و واطى....و العامل بيشرب سجاير جمب الأسلاك......!!!
المهم مشينا و قلنا نشوف بكرة حنعمل ايه.....!!
روحت كلمت واحدة راحت سنترال تانى لقيت أن كلهم هندسة مش كلة خليط على بعضه....!!
و كلمت استاذ صبحى و بعد مداولات طلعلى كام حلين منهم نتنقل....قلنا طيب ماشى....بس الموضوع خد يوم لحد ما نقلنا ألماظة....قلنا هناك يمكن فى أمل....بس واضح أن احنا كنا عايشين فى الوهم.....!!!
اليوم الثالث...الأربعاء
رحنا ألماظة...مكانش الفاكس المشأوم بأسمائنا وصل...كلمنا المسئولة تبعنه تانى....وصل...قالولنا امضوا حضور و روحوا عند الباشمهندس يوريكوا حتروحوا فين.....رحنا....نزلنا فيييييييييييين؟!!...الفرام...قلنا تاااااااانى...مش بشرة خير.....رحنا لقينا الناس خلصوا و احنا أصلا دكتوراه فى الفرام...رحنا طالعين للباشمهندس.....قالنا حبعتكوا للبشمهندسة توريكوا الشغل ماشى ازاى....قلنا خير حاجة غير الفرام....طلعنا....بدأت تصارحنا أن السنترال مفيش فيه حاجة مفيدة ليكوا و الأجهزة الرئيسية مقفول عليها و لازم حد ييجى من المركز الرئيسى فى الفوالةعشان يفتحها....فأحسن تروحوا هناك...بس لو تحبوا نعرفكوا الشغل ماشى ازاى حنقولوكوا...قلنا خيير الله ما اجعله خير لما نسمع بقى.....و أول ما بدأت كلام كانت قمة العلم يعنى قالتلنا ...هنا بقى الناس بتقدم على طلب الخط...أو لو عايزين يزودوا خاصية زى اظهار رقم الطالب أو الانتظار أوال دى اس ال ....الخ....ده الشغل....!!!
طبعا خرجنا بعد 5 دقائق و احنا حنموت من الضحك...و نبص لبعض و نقول القول المأثور
بروجرام ايه بس ؟!!
طلعنا للباشمهندس تانى....كمل علينا و صارحنا نهائيا أن مفيش حاجة مفيدة هنا لينا للدرجة...و كلام كتير كدة....!!ا
خرجنا و احنا متنحين من المقلب الكبير....و فبل ما نمشى كان واحد منا يعرف حد فى قطاع تانى....خدنا و طلعنا قطاع مختلف
CDMA
ده بقى عالم تانى...المكان أفضل كتير...و الناس ستايل تانى خالص....بس بما ان الموضوع ودى كدة....ففى مهندس قعد شرحلنا شوية مشكورا يعنى......بش قبلها فهمنا أن القطاعات دى مالهاش علاقة ببعضها و أنهم بالرغم أنهم داخل السنترال الا أنهم مش تابعين للمدير....حوار فاشل فاشل فاشل يعنى......!!!!
المهم خرجنا...و احنا متنحين على ضحك...و حاسسين بالخدعة الكبيرة.. ولأنى كنت اكتشفت أن اللى كانوا مسئولين عن توزيع باقى الناس اللى فى دفعتنا مش هما ال مسئولين عنا كأن بتوعنا أوهام......كنت حاسة أن حنطلع فى الكاميرا الخفية..أو فى الماتركس أو فى أى حاجة من كتر الكعبلة اللى شوفتها.....!!!
المهم قررت لما رجعت انى أعتزل السنترال و أفارق الفرام ...لأن الموضوع فاشل جدا.....!!!
الخميس الصبح
صحيت على تليفون من أستاذ صبحى بيقوللى ها بتروحو التدريب....قلتلوا اه رحنا ألماظة بس يعنى قالولنا أن مفيش حاجة تستاهل لينا....قاللى خلااااااااص يبقى تروحوا من الأسبوع الجاى الأقمار الصناعية فى المعادى....قلتلوا ان شاء الله نشوف......و طبعا محدش راح و لا حيروح لأن خلاص مبقيتش واثقة فيهم .....و شفت العشوائية على أصولها.....!!!
نيجى بقى لأهم الدروس المستفادة :
فى الحكومة...المواطن دائما على خطأ....!!!
فى الحكومة ما تتوقعش أن فى حاجة ممكن تتعمل بسهولة و سلاسة....و لو حصل يبقى أكيد فى حاجة غلط...!!!
اوع و اجتنب...واحذر من السؤال عن نظام الشغل أو وجود برنامج معين ...الكلمتين دول عيب جدا( سيستم و بروجرام)....دول يعتبروا ألفاظ خارجة هناك....!!!
و تذكر القول المأثور:
بروجرام ايه بس؟!!!
15 comments:
hwa ta2reeban mafish training fi ay 7eta
"awel youm fi vodafone fedelt mesnty 6 hours 3ashn aroo7 el department bta3y ;; "
ya3ny mesh 3aref madam mafish ay 7aga ll training
bay7'do el nas leh !!
w ybhdloohom !!
Masr f3lan ;;
yala ma3lesh enjoooy ur trips ;;
mana olt bardo,...lama ma3a3nohomsh 7aga,...yegebona ye2refona leeeeeih?!!!!
bas kol lama aftekerha we heya bet2ol hena el nas bey2ademo 3ala talabat el 7'otot,....ad7ak mot we a7es bel kima el 3elmeya lel tadreeb el mahalabeya ;;
bas 7'alas e3tazalt we mesh ray7a tany la central wala akmar sena3eya wala tabe3eya......7'aliny a-enjoy el agaza ;;
hehehe
3`alaba :D
---------------------
ya ba7`t elly kan sa7eb el sho3`l 7`al waldeto :D
dah kan lesan 7aly fy el tadreb
ana ta2reban eddarabt men 3 e3dady a3mal sekertarya :D
we lamma da7`alt handasa ro7t ba3d e3dady etdarabt fy masna3hom elly fy el gabal el asfar we bygely sawa2 ya7`odny men el beet
we kont haro7 masna3 el 3asher bas kaasselt fy el a7`er :P
3`alaba ento begad ;;
rabena yekremak :D
we yer7am el 3'alaba ;;
ana ra2y tero7y fe3lan el 2amar el sena3y law 3andek el forsa de , le eny seme3t en mohandes eli beyedena fe el makan el 3ageb el 3'areb eli benedarab feh taba3 el masreya le el etesalat bardo 2alena en el makan henak 7aykon feh estefada lena aktar !
fa don't wast it !
amma 3an eli 7asalek fe el awel , 7aga moshabha le keda 7asaletlena bardo fe l awel ! bas el wa7ed 7aye3mel aih . heya de el 7okoma !
la el 7okoma naf3a wala el tanyen naf3en we 7anefdal 3ala el 7al da le 7ad emta allaho a3lam ! ( le 7ad ma a3mel el 7ezb beta3y we amsek beh el balad :lol: )
tab matroo7o elm3ady..3ala fekra el2a2mar henak shaklaha 7elw 2wy ya3ny.....heyya 3'aleban lelforga bass
Yusuf;
la2 bas e7na shofna aktar:D
kefaya lama ramany ma3 ta3lim sena3y,.....wala 3and el bashmohandesa,...7aga kemet el 3elm wel ebda3 sara7a....!!!!
anyway shed 7elak we shof 7ewar el 7ezb we eb2a efteker el 3'alaba,....asl el solta bet3'ayar el nofos bardo :D
----------
El 3awady;
7'alas i dnt trust'm any more wade7 en homma beywaza3ona fy ay 7etta we homma mesh 3arfen fy magal henak wala la2....mesh nawya aro7 el ma3ady we ba3den ye2ololy sorry enty gaya hena 3'alat ....ma3rafsh sa3et-ha momken at-hawar ezay :@ 7'ososan 3ala uncle sob7y ;; ....!!!
yalla kadar allah wa masha2 fa3al...!!!
la3aloh 7'er :)
el 7amd lellah ma2ademtesh fiha
kont fel qarya el zakeya , w henak wezaret el etisalat wel gahez el qamy le tanzeem el etisalat , w qeta3 el tadreeb aw 7aga keda mesh faker esmaha
ro7t a2adem fy qeta3 el tadreeb , ba3d moqadema taweela momella el ragel nafso makansh fahem bey2ool eh , el mohem 2al gomla mofeeda fel a7'er :
" enta 3ayez te2addem 3al tadreeb , aaaaaaaaah , la2 mesh hena , roo7 2addem fel es3af fy west el balad ;;"
maro7tesh 7etta tab3an !
- loool 3al zero wel DSL :lol: howa dah SYSTEM el sho3'l
ya ma7zozen ,ana ba7awel enena nero7 w law 2 hours f el 2amar el sena3y asln
ana f el masreya el zeft,ro7t el frame room mareten w mafhemtsh 7aga :s w ro7t zero room mareten w bardo mafhemtsh 7aga w ro7t kabenet el telephone mareten 3ashan wala 7aga w shoft 7ofar f el share3 w 2alolna hena benermy el kablat,tab wallahy ento nas kowayesa awwy awy el sara7a,ana 7ases eny ro7t tadreb madany mesh 3arf ezay benermy el mawaser w cablat eh w 3abat eh w hatal ezay ,tadreb zebala asln :S
anonymous ;;:
rabena ra7amak men el bahdala wel estefzaz....!!!
mado;
ma7zozen meen ,..e7na maro7nash,..asl zay ma olt i dnt trust them anymore,...we ba3den 7'alas ana 3'debt 3alihom we 3'adaby we7esh (6)
aslan ana kont akalem ostaz sob7y da atala3 menno kol el options,...amar sena3y,..shabakat,...centralat,....7atta elly kan beyedarab ma3aya marra ally :
kalemoh enty shaklo bey7'af mennek ;;
mesh 3arfa howa ana mor3eba ^o)...!!?
;;
bas ya mado ezay mesh fahem el frame ;;.....ma2alaksh e7na ben-jumper keda ;;....da7na galna 3o2da men el frame,...mafish 3'ero ta2riban <-<....!!!
howa tadreeb zebala fe3lan,...lan lazem teb2a fy gam3a 7'assa 3ashan yezabatok zay el 3asher maslan...!
nseet akteb eni anonymous ;;asdy moreed
i guessd bardo (H)
coz each1 has sth as a fingerprint in the way s/he writes :D
so i most of the time i can guess the writer even if s/he is anonymous ;;
aslamo alykom ,
Not governmental firms only , i had a training before when i was in 2 elec in Vodafone wihtout any program :( .
for basem ayman , i think u r in Technology department , am i right ?
i was training in this department , what i was doing :(
i was arranging some papers :(
and the employees that i was trained with are civil engineers :(
but this was because i wasn't specialized yet .
but also i know some friends who was specialized in Comm dep but they had a training in HR dep :D ( what a relation ) .
اللي حصل معاكي بيحصل لاي حد يروح المصريه للاتصالات
علي الرغم انها مبقتش قطاع حكومي , بس الموظفين هما هما
الاهمال و الهرجله شيء طبيعي جدا هناك
لدرجه ان ورقه تدريب واحد صاحبي خرجت بتاريخ مكتوب انه شهر 18 سنه 2007
وعجبي
بس اعتبري نفسك محظوظه لان في واحد صاحبي تاني اخدوه موقع كابلات ... واكتشف ان الكابلات غطسانه في المياه الجوفيه و كان في غطاسين مهمتهم الغطس و يجيبو الكابلات للعمال يشتغلوا فيها
اكيد هو استفاد كتير في اليوم ده
mahmoud;
wade7 en el la7'bata evwhere...!!
u must b so lucky or with wasta to have the chance of a useful training....!!
--------
М€ŝЋМΣŞĦ;
la2 mana bardo kan maktob odamy gam3a tanya,...we 3ak keda...!!!
homa el mowazafeen homa homa,....bas 3'aleban fy keta3at ma32ola zay el CDMA ,...el mohandes aslan alena consider us mesh taba3 el central ,..we homa fe3lan style tany....!!!
bas shakly ma7zoza fe3lan eny maro7tesh SIWA ashof comm. systems lel camels ..!!!
-----
regards;
Post a Comment