The Worst Things...!

THE WORST THINGS ARE:

TO FEEL ...or let's say to be almost sure that u r used somehow,.....when some ppl just remember u when they want sth from u ,.....u may make it ,....i personally do coz i just like to help others without waiting for sth in return,.....though it remains awful to pretend that u believe them ....!!

---------------

TO FEEL that u r not as satisfied as u r supposed to b with what Allah makes in ur life,.....here u feel that u r such a bad person,......or let's say impolite ....!!

---------------

TO FEEL that u r obsessed with the negative thinking in a way that makes ur fears & thoughts turns into reality.......!!

--------------

TO FEEL that u r choiceless when u have the choices coz u just can't choose....!!

--------------

TO FEEL that u really miss yourself....!!!

حالة خنقة....!!!ا

دايما الناس بتقول احنا بلد شهادات...و للأسف اكتشفت ان الكلام ده صح جداا.....بشوف ناس بتعمل حاجات كتير بالدافع ده....يعنى مثلا لما كنت فى السنترال فى الشئ المدعو تدريب اللى حكيت عنه سابقا ..... بعد ما اكتشفنا ان الموضوع فاشل و ان مالوش أدنى فايدة...قلنا مش حينفع نكمل كدة...و قررنا أو قررت أنى مش حكمل.....و كان فى واحد معايا رايح رابعة فكان كل همه أنه يطلع بشهادة يرزعها فى السى فى بعد كدة.....حتى لو جيه و ضيع وقته أو مضى حضور و خلاص......بعد الموضوع ده و من فترة بدأت اشتغل مع ناس فى نشاط معين....و فوجئت مرة بحد بيقول ...أهم حاجة فى الحوار ده كله الشهادة.....طبعا جالى شلل.....يعنى مش معقول يكون يكون الانسان بيشارك فى نشاط أو بيروح تدريب و طالع نازل و مضيع وقت ...مش لأنه بيحب يتعلم حاجة...أو ياخد خبرة أو يستفيد....لأ لمجرد أنه عايز اسم و منظر و شهاادة و سطر زيادة يرزعه فى السى فى اللى حيقدمه فيما بعد فى أى حتة.......بصراحة بالأسلوب ده حنفضل طول عمرنا ورا و لا حنتحرك خطوة لقدام لا النهاردة و لا بعد الف عام....و قول على مصر السلام......!!!!!ا

------------------------------------

عندى سخط شديد على البلد و الكلية و النا س و العيشة و اللى عايشينها .......!!!!

سخط على البلد عشان حاسة فعلا أن الناس بقى عندها شك كبير أن مصر هى مامتهم......بدأوا يشك أنها مراة أبوهم ...أو لقيتهم على باب جامع أو أو أو......مش فارقة الطبقة و لا السن كل الناس بقى عندها خنقة من أول موضوع الميه اللى طال من البرلس للقطامية....لموضوع الدى اس ال اللى يدل على ذكاء شديد فى الحكومة كالعادة طبعا......!!!!

سخط على الكلية عشان حاسة أنها الخدعة الكبيرة ....زى أى حاجة فى البلد....عدم نظام.....فوضى...عك...فتى......عايشين فى دور الكلية الجامدة و أنا أصلا حاسة أن احنا فى النازل و كلها كام سنة و تبقى فى الأرض......مش معقول الادارة و العقليات و السياسات......زى ما قلت نموذج من ابداع البلد.....!!!

سخط على الناس و العيشة عشان حاجات كتيييييييييييير....مش مشكلة بقى.....أااااااه يا بلد.!!!

---------------------------------

مجربتش قبل كدة أكون أعصابى باردة....أو بمعنى أصح مبعرفش.....لما يكون ورايا حاجة بفضل مشغولة بيها ....و أما أكون مسئولة عن حاجة مش بستريح غير لما أخلصها .....و حتى لو مش مسئولة فعلا بس ممكن أقدر أعمل الحاجة بفضل قلقانة عشان الحاجة تتزبط.....و مبحبش أعمل حاجة على أخر وقت .....بس بقابل ناس أعصابها باااااااااااردة و مش هاممهم أى حاجة فى أى حاجة....مواعيدهم ضايعة.....مبيفرقش معاهم أن فى حاجة عاجلة ولا مهمة ولا أى حاجة....كل حاجة عااااااادى....و با أن معنديش برود الأعصاب ده بيتحرق دمى جدا لما بتعامل مع النوعية دى و بحس بالشلل الفظيع....بس فى نفس الوقت باجى كدة لحظات و أقول ياااااااااه نفسى أجرب أكون مرة باردة...أكيد ساعتها قولونى العصبى حيهدى....و صحتى حتتحسن.....بس صراحة عمرى ما عرفت أخلى أعصابى باردة .....مرض بقى....!!!

---------------------------------

مش عارفة ليه كل لما اشتغل مع مجموعة فى أى حاجة مهما كان عدد المجموعة مطلعش غير باتنين بالكتير اللى على نفس مستوى الحماس و الاهتمام و الانجاز و الاندماج فى فريق عمل.....فعلا الناس عندها أزمة كبيرة فى الشغل مع غيرهم سواء من ناحية الفكرة أصلا أو من ناحية المرونة أو الالتزام...أو أو أو.......الناس بتتربى على الفردية ...على الأنا...على عدم الالتزام....على عدم المرونة......فيطلعوا غير فاعلين فى مجموعة معندهمش القدرة على العمل مع ناس غيرهم و انجاز حاجة. ....أو مستبدين برأيهم.......خسارة فعلا ....أكيد لو الناس كانت غير كدة....كان الحال حيكون أحسن من كدة....بس لو.....!!

-----------

كفاية كدة خنقة.....!!!!ا

!

!

أما بعد.....!!!ا

بسم الله الرحمن الرحيم

انه من عاش مات...و من مات فات...و كل ماهو ات ات
أما بعد....ردا على الأخت مرمورة الأمورة....و التى هى فى البلاد مشهورة.....و دائما ما تبدو مسرورة
فقد شعرت أنك تريننى قافشة...و عند لقائنا يعتريك رعشة.......فينتابك منى القلق...و يتصبب منك العرق ....و تشكين أنى منك زعلانة.......أو من حديثك قرفانة....!!!ا
فرأيت أن الأمر يستوجب التوضيح .... و يستحق الكثير من التصحيح......لأنكم معشر بنى أدم هكذا تشعرون ...و كثيرا بى ما تتوجسون.....و لكننى فى واقع الأمر كائن أليف....و لست كما تظنين عنيف.....قد أبدو غريبة الأطوار....و لكننى لست من الأشرار.....فاعلمى أنى و ان كنت مريبة .....و ان كانت تعبيراتى غريبة.... فان تلك هى طبيعتى المريعة....... و حالتى الفظيعة.....فتفهّمى أنى هكذا أكون....و لا تظنين بى الظنون.....!!!ا
و السلام ختام



---------------------------------------
ردا على كلام مرمورة ده :)
---------------------------------------


بسم الله الرحمن الرحيم
اما بعد
انه من عاش مات
احم
انتى عاديه جدا زينا بتهزرى وتضحكى وتهيسى
هى المشكله ان اللى يبص لك وشك بيدى انطباع خاطئ عنك
لولا شكلك والايحائات اللى بيديها كنتى هتبقى مسخره هاها
انا لحد دلوقتى اقدر اكلم معاكى براحتى هنا وانا مش شايفاكى
لكن لما اشوفك وجها لوجه بخاف تزعلى
او انطباع وشك بيحسسنى انى مؤرفه
حاجه كده
كفايه عليكى كده


مرمورة

مصر اللى فين....و بينا مين؟!!!!!!ا

مصر بتتقدم بينا.....سلسلة من الاعلانات الدعائية العقيمة تجتاح التلفزيون المصرى بقنواته الأرضية و الفضائية التى أصبحت فى أخر قائمة القنوات لدى المشاهد المصرى.... و لعل تلك الاعلانات بها الكثير مما يثير الذهول لدى المواطن المصرى بل و الضحك بشكل أكبر ...!!!!

.فهى تتناول تقدم مصر المزعوم فى التعليم و الذى بلغ القرى و النجوع بأعلى الامكانيات التكنولوجية مستعينين ببعض المواطنين الذين يتحدثون عن انجازات أكاد أجزم أنهم لا يعلمون ماهيتها و يستفيضون فى الحديث و الاطراء حتى انك تشعر أن المشهد القادم لفلاح يحمل بيمينه فأسا و بيسراه لاب توبا:) اهداء من الحكومة التى نجحت فى القضاء على الأمية بجدارة ......!!!ا

ثم ترى الأعلان الذى يليه متحدثا عن المجهودات العظيمة لمواجهة التلوث من خلال تطبيق القانون على المصانع....و نقلها من المناطق السكنية...و تحديث سيارات الأجرة المتهالكة....الى أخر تلك الانجازات و الصور المشرقة التى تجعلك تشعر و كأنك فى سويسرا مثلا....!!!

و تتواصل تلك السلسلة من الاعلانات......و التى أعترف أنى لم أشاهد منها الا أقل القليل لأنه بمجرد المرور عليها لا يسعك الا تغيير القناة لما يفيض منها من كذب بين.... فهى عبارة عن تهليل و تصفيق للتقدم فى الصناعة و الزراعة و العلم و الثقافة و السياسة و البنية التحتية -و غيرها من المجالات - تصحبها صور براقة و أرقام و احصائيات متتالية لترعب المشاهد و تشعره بحجم الانجازات التى ينكرها بجحوده و طمعه فى المسئولين و الحكومة التى تسهر على راحته (فى الساحل الشمالى طبعا)....!!!

اذا كانت تلك الاعلانات تحت عنوان (مصر بتتقدم بينا) تصر على أن مصر على الطريق الصحيح و على الجانب الأخرلا يلمس أحد ذلك ونرى مقدار التلوث...وكم الحوادث الدامية على الطرق...و مستوى التعليم المتدنى....و الفساد المستشرى فى كل مكان...و مؤخرا أزمة المياة فى دولة غارقة فى الموارد المائية......فان السؤال الذى يطرح نفسه.........

مصر اللى فين....و بينا مين؟!!!!!!

Keep Moving Forward...!

at last i had the time to watch this cartoon ,...i really like this world of animated movies,....i like the perfection in making those movies ,....i like the creativity ,i like the sound tracks ,......i like the simple & real messages in them,....i like how their characters touch me sometimes as if they're real ones ,....

Meet The Robinsons,...although it's a simple one but it's nice , touchy & inspiring ,....i liked Lewis so much & surely i liked the film's message "KEEP MOVING FORWARD" ....!

cartoon....it's really an awesome world.....!

------------------------


our lives are made
in these small hours
these little wonders,
these twists & turns of fate
time falls away,
but these small hours,
these small hours still remain

(from the closing song)

بروجرام ايه بس؟!!!

اللى مشافش شغل الحكومة ....يبقى مشافش حاجة...!!!!

ده اللى أمنت بيه خلال 3 أيام الأسبوع اللى فات خلال رحلتى الفاشلة مع محاولة تدريب مش فاكرة صراحة من اللى شار عليا بيه.....!!!!

يمكن اللى اتعلمتوا فى اليومين اللى فات مالوش علاقة بالهندسة.....يس اتعلمت شوية دروس فى الحياة الحكومية

حقولها فى نهاية القصة

هو المفروض انى كنت رايحة المصرية للاتصالات....كنت فاكرة أنها أرقى شوية من الأماكن الحكومية....بس اكتشفت أن مفيش فرق...هى نفس العقليات...و نفس الضياع....ممكن يكون فى قطاعات أنضف من قطاعات بس فى النهاية....لازم و فى الغالب حتشوف بصمة المصالح الحكومية مطبوعة على سلوك كتير من الموظفين.....!!!ا

هى القصة بدأت لما كلمونى قالولى أنتى ساكنة فين؟!...طيب فى أماكن كذا و كذا تحبى ايه....(واخدين بالكو من الديمقراطية طبعا)....فقلتلها مدينة نصر فى الطيران....قالتلى طيب كلمينى بكرة شوفى مدينة نصر ولا القبة....تانى يوم لقيتها بتقوللى القبة......طيب كانت بتسأل ليه من الأول.......قلت ما علينا مش سفر يعنى ....و رحت....و بدأت المأساة الساخرة.......!!!!

اليوم الأول ...الأحد

أروح هناك طالعة نازلة طالعة نازلة...من المدير لمكتب معرفش مين...لأ شوفى الفاكس... طيب ده مع زميلك.....لأ شكلكو جايين هنا غلط.....ممم ارجعوا للمدير..كلموا مدام معرفش مين.....استنوا شوية المدير مشغول...عااااااااااااا

و محدش فاهم أى حاجة فى أى حاجة ......و احنا 3 بس من جامعات حكومية.....أما الجامعات الخاصة زى العاشر و مودرن فمعززين مكرمين لأن الجامعة عاملة نظام و مش سايباهم يتبهدلوا....!!!ا

طبعا بعد اللف شوية المدير صارحنا بالحقيقة أنه جديد و مش عارف نظام التدريب ده ايه ومش عارف يودينا فين....فمن الأفضل أن احنا نروح و نيجى تانى يوم عشان يكون بحث الموقف......!!!!

اليوم الثانى...الأثنين

أروح على المدير...خلاص بقى القعدة بقت عند المدير نص الوقت....ألاقي شوية بنات مكانوش موجودين اليوم اللى قبله و المدير بيقول لموظف طيب احنا نلففهم على الأقسام بحيث ننجز فى أسبوع يللا خدهم على الفرام

Frame

و أروح لمصيرى المجهول من غير ال 2 اللى كانوا معايا اليوم اللى قبله......و تحت فى الفرام اكتشف ان البنات دول تعليم صناعى.....و مع احترامى أكيد تدريبهم و وجهة نظرهم غيرنا....فأول ما جيه ال 2 الهندسة قلنا نطلع للمدير نبحث الموقف تانى ....نلاقيه مشغول...و الناس اللى بتعمل شكاوى و بتتخانق و معرفش ايه....نعمل شوية تليفونات كدة مع الناس اللى حولونا هنا و صاحبتى اللى راحت مكان تانى....نلاقى الموضوع مكعبل ....ندخل للمدير نلاقيه لسة تايه و مش عارفلنا مصير....ننزل و نكلم المسئول عن توزيعنا استاذ صبحى ....و هنا الطامة الكبرى لما قفشت و قلتله ازاى كدة و محدش فاهم حاجة من أول المدير و سألته السؤال الخطير هو مفيش بروجرام؟....راح رادد فى تهكم بالقول المأثور بروجرام ايه ؟ التدريب حسب انتو عايزين ايه....!!!

طيب اصلا احنا عارفين فى ايه فى دهاليز السنترال عشان نعرف احنا عايزين ايه.....المهم لما لاقانى قافشة كدة قاللى طيب كلمينى بعد ساعتين ممكن اشوفلوكوا حل انقلكوا أو حاجة....!!

احنا لاقينا اليوم ضاع كدة كدة فقلنا ندخل أودة الفيران ...الفرام يعنى.....و شوفنا بقى الراجل اللى كان هناك و قعدنا نسأله و كدة و كان ناقم على النظام أو اللانظام اللى فى البلد...و شوفت بقى قمة الأهمال كالعادة فى مصر.....أودة مليانة أسلاك و فولت عالى و واطى....و العامل بيشرب سجاير جمب الأسلاك......!!!

المهم مشينا و قلنا نشوف بكرة حنعمل ايه.....!!

روحت كلمت واحدة راحت سنترال تانى لقيت أن كلهم هندسة مش كلة خليط على بعضه....!!

و كلمت استاذ صبحى و بعد مداولات طلعلى كام حلين منهم نتنقل....قلنا طيب ماشى....بس الموضوع خد يوم لحد ما نقلنا ألماظة....قلنا هناك يمكن فى أمل....بس واضح أن احنا كنا عايشين فى الوهم.....!!!

اليوم الثالث...الأربعاء

رحنا ألماظة...مكانش الفاكس المشأوم بأسمائنا وصل...كلمنا المسئولة تبعنه تانى....وصل...قالولنا امضوا حضور و روحوا عند الباشمهندس يوريكوا حتروحوا فين.....رحنا....نزلنا فيييييييييييين؟!!...الفرام...قلنا تاااااااانى...مش بشرة خير.....رحنا لقينا الناس خلصوا و احنا أصلا دكتوراه فى الفرام...رحنا طالعين للباشمهندس.....قالنا حبعتكوا للبشمهندسة توريكوا الشغل ماشى ازاى....قلنا خير حاجة غير الفرام....طلعنا....بدأت تصارحنا أن السنترال مفيش فيه حاجة مفيدة ليكوا و الأجهزة الرئيسية مقفول عليها و لازم حد ييجى من المركز الرئيسى فى الفوالةعشان يفتحها....فأحسن تروحوا هناك...بس لو تحبوا نعرفكوا الشغل ماشى ازاى حنقولوكوا...قلنا خيير الله ما اجعله خير لما نسمع بقى.....و أول ما بدأت كلام كانت قمة العلم يعنى قالتلنا ...هنا بقى الناس بتقدم على طلب الخط...أو لو عايزين يزودوا خاصية زى اظهار رقم الطالب أو الانتظار أوال دى اس ال ....الخ....ده الشغل....!!!

طبعا خرجنا بعد 5 دقائق و احنا حنموت من الضحك...و نبص لبعض و نقول القول المأثور

بروجرام ايه بس ؟!!

طلعنا للباشمهندس تانى....كمل علينا و صارحنا نهائيا أن مفيش حاجة مفيدة هنا لينا للدرجة...و كلام كتير كدة....!!ا

خرجنا و احنا متنحين من المقلب الكبير....و فبل ما نمشى كان واحد منا يعرف حد فى قطاع تانى....خدنا و طلعنا قطاع مختلف

CDMA

ده بقى عالم تانى...المكان أفضل كتير...و الناس ستايل تانى خالص....بس بما ان الموضوع ودى كدة....ففى مهندس قعد شرحلنا شوية مشكورا يعنى......بش قبلها فهمنا أن القطاعات دى مالهاش علاقة ببعضها و أنهم بالرغم أنهم داخل السنترال الا أنهم مش تابعين للمدير....حوار فاشل فاشل فاشل يعنى......!!!!

المهم خرجنا...و احنا متنحين على ضحك...و حاسسين بالخدعة الكبيرة.. ولأنى كنت اكتشفت أن اللى كانوا مسئولين عن توزيع باقى الناس اللى فى دفعتنا مش هما ال مسئولين عنا كأن بتوعنا أوهام......كنت حاسة أن حنطلع فى الكاميرا الخفية..أو فى الماتركس أو فى أى حاجة من كتر الكعبلة اللى شوفتها.....!!!

المهم قررت لما رجعت انى أعتزل السنترال و أفارق الفرام ...لأن الموضوع فاشل جدا.....!!!

الخميس الصبح

صحيت على تليفون من أستاذ صبحى بيقوللى ها بتروحو التدريب....قلتلوا اه رحنا ألماظة بس يعنى قالولنا أن مفيش حاجة تستاهل لينا....قاللى خلااااااااص يبقى تروحوا من الأسبوع الجاى الأقمار الصناعية فى المعادى....قلتلوا ان شاء الله نشوف......و طبعا محدش راح و لا حيروح لأن خلاص مبقيتش واثقة فيهم .....و شفت العشوائية على أصولها.....!!!

نيجى بقى لأهم الدروس المستفادة :

مع الحكومة توقع الأسوأ دائما...!!!

فى الحكومة...المواطن دائما على خطأ....!!!

فى الحكومة ما تتوقعش أن فى حاجة ممكن تتعمل بسهولة و سلاسة....و لو حصل يبقى أكيد فى حاجة غلط...!!!

اوع و اجتنب...واحذر من السؤال عن نظام الشغل أو وجود برنامج معين ...الكلمتين دول عيب جدا( سيستم و بروجرام)....دول يعتبروا ألفاظ خارجة هناك....!!!

و تذكر القول المأثور:

بروجرام ايه بس؟!!!

ازاى كدة.....؟!!ا

ازاى أنا مشغولة كدة فى الأجازة?!!!....لدرجة أنى كل لما أجى أكتب موضوع فى دماغى أو أرد على الموضوعين اللى فاتو ملقيش وقت....أو حتى أعمل حاجات تانية....يعنى عندى أفلام كرتون كتير عايزة أتفرج عليهم....مش عارفة أقعد على واحد فيهم.....و عندى كام كتاب و قصة مش فاضية أقراهم.....و فى كام مكالمة عايزة أعملها...و كذا واحدة عايزة أقابلها.....و حاجات تانية....و مش لاحقة....!!!ا
^o) ازاى كدة
على العموم أنا بحب أكون مشغولة...الفراغ وحش برضه :).....بس اذ فجأة كدة لقيتنى مش لاحقة أعمل حاجات كتير!!ا
و مش فاهمة ازاى كدة....!!!!؟