النقش و الحفر و الكتابة على الجدران ...عادة فرعونية قديمة...بس ساعات بحسها من الموروثات اللى موجودة عند كتير من المصريين.....أينما نظرت لازم تلاقى مظهر من مظاهر الحفر و الكتابة على أى حاجة و كل حاجة....!!!ا
فى الكلية مثلا ...لازم تلاقى حفر فى ألى مكان تقعد فيه أو تمر منه....كتابة على الحوائط...اللى بيخلد ذكراه العظيمة...و اللى بيندب حظه و بيلعن اليوم اللى دخل فيه الكلية ...و اللى عايش مراهقة متأخرة و بيحب على نفسه....و اللى بيدعى أنه يخرج من الكلية على خير...و اللى بيسجل تواريخ و أحداث مهمة ...و اللى كاتب قوانين..... و اللى بيكتب أى حاجة و خلاص....الخ
و طبعافى أى مكان أثرى أو غير أثرى تلاقى الناس كاتبين أساميهم و حافرين على الصخور تاريخ و جودهم...أو راسمين أى حاجة و خلاص....!!!!ا
هو غير أن الناس مش بتحس بالمسئولية..أو بتحس أن الموضوع عادى خاصة أن الحاجات دى مش ممتلكاتهم الخاصة..أقدر أقول أن أهم من التفسيرات للموضوع ده زى ما ذكرت...أن ده موروث فرعونى فى دم بعض الناس و مش بيفارقهم لدرجة أن ايديهم بتاكلهم لما يمسكوا أى أداة للكتابة و يكون قدامهم مساحة فاضية ف مش بيقدروا يمسكوا نفسهم عن الكتابة و الحفر .....يعنى غالبا مرض من الأمراض الفرعونية.....!!!ا
8 comments:
هههههههههههههههههههه
حلوه حكاية مرض من الأمراض الفرعونيه
يمكن ييجي يوم والشخبطه اللي في كل مكان دي وعلي أعمدة النور... يعتبروها آثار... ويقولوا علينا أجدادنا العظام أرخوا حياتهم علي الجدران وعواميد الكهربا... أهو برده هتبقي حضاره وقتها
سلاااااااااااام
ana ana ..lazem lazem akteb w arsem 3al bench ..lazem
mesh ba2der amna3 nafsy bsra7a :D
el sar7a momte3a gedan el wa7ed yo23d y2ra el 7agat eli katbaha el nas .. yla2y habal w sazga btree2a raheeba :lol:
fe3lan shklo mawrooth fer3ony :D
الموضوع ده ليه حل
انهم في كل مكان يعملوا حيطة مخصصة للشخبطة عليها
بس عارفة هتكون ايه المشكلة
انك هتلاقيها انضف حيطة في الحيطان الموجودة في المكان
---------------------------
زي النكتة اللي كانت بتقول ان سواق تاكسي ركب معاه واحد اجنبي و جم على أول اشارة و كانت حمرا و راح السواق مكمل ف الخواجة بيقول له :واي يو داد زات
فرد السواق : عيب يا خواجة دا انا جود درايفر راح كاسر تاني اشارة فالخواجة سأله قاله عيب يا خواجة دا انا جود درايفر
جت اشارة خضرا فلقى السواق وقف فالخواجة اتجنن قاله واي يو ستوب ذير
قال له السواق : معلش يا خواجة يمكن جود درايفر معدي من هنا أو جود درايفر معدي من هنا
:D
بنحب التشوه
عارفه فكرتينى بواحده صحبتى كان اخزها ايام المدرسه جاب قطر وقعد يشيل طبقه الدسك خالص وجاب بويه ودهنها من تانى
بس على فكره الناس بتعمل كده فى الكليه من الكبت
المفروض اى مكان فيه دراسه يغطوا البنشات بطبقه اضافيه لفك كبت الطلبه وبعد كده يعرضوه على الدكاتره اللى كانوا بيدوا فى المكان ده يمكن ده يحسس الدكاتره باللى بنحس بيه
asln dah beysa3ed el talabah 3la ta2deyet wa2t el mo7adra
maho lama mayeb2ash fahm,ya haynam ha hayetkalm,so beyersem a7san aw yekteb
ana bardo kont zmaa barsem w bakteb mado f kol 7eta 3al el bench bs batalt ba3d el 3azab beta3 el GC :D
bas fe3lan momkn yekon mn el fara3na ^o)
ههههههه و الله بوست خفيف و جميل جدا ...عجبتني أوي حكايه مرض فرعوني دي
و الله الموضوع ده دايما بيغظني زيه زي موضوع الزباله الموجوده في كل شولرع و أحياء مصر لدرجه أنه من شبه المستحيلات وجود شارع في مصر ليس به كتابه علي الحوائط أو أكوام قمامه متراكمه
يكونش الناس كلها في مصر بتحب التدوين و لكن كل واحد و طريقته؟
تحياتي لكي
la2 wade7 fe3lan en el mawdo3 mix keda men kabt 3ala ebda3 3ala genes men ayam el fara3na :D
howa ana besara7a kont zaman wana fel madrasa momken te7sal we akteb 3ala desk or sth,..mesh keteer ya3ny,..bas 7asalet,,....ba3d keda ba2et bashof el mawdo3 men diff point of view ,...ya3ny ba2et ba7es en ya3ny 3eb we mesh 3ashan el 7aga mesh beta3ty we mesh fy bety yeb2a aftry ba2a we keda,....so ba2et bash7'bat 3ala wara2 we 7'alas ,...ya3ny 7al wasat,...oshbe3 hewayet el sha7'bata men 3'er ma abawaz elly 7awalaya :)
bas bardo still sa3at beyeb2a ta3'yeer en el wa7ed yeshof habal 3ala sazaga :D 3ala kabt el nas :D...!!
regards
ههههههههههههههههههههههه
ههههههههههههههههههههههه
بجد جاااااامده اوى
بوست لذيذ جدا وحايجى يوم وهانبقى احنا اثار برده الناس دى عندها بعد نظر شويه عننا
هههههههههههههه
بحييك على البوست الخفيف ده
حسام مراد
شغال
اتمنى انك يا معلم تنورنى فى شغال
سلاااااااااااااااام
Post a Comment